ជីវិតកម្សាន្ដ

ពេជ្រ សូលីកា ទម្លាយសារចេញពីចិត្តធ្វើឲ្យអ្នកគាំទ្រពេញចិត្តគ្រប់គ្នា

បានផុស

៣ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

តារាចម្រៀងស្រីកូនមួយអ្នកនាង ពេជ្រ សូលីកា ថ្វីត្បិតអាជីពសិល្បៈរបស់នាង បច្ចុប្បន្នហាក់មានភាពស្ងប់ស្ងាត់ ក្រោយពេល ដែលកន្លងមកធ្លាប់ បានផ្ទុះនូវរឿងរ៉ាវស្រូវស្នេហាយ៉ាងកក្រើកពេញបណ្តាញសង្គមហ្វេសប៊ុក និងសារព័ត៌មានជាច្រើនពិតមែន ប៉ុន្តែតារាស្រីរូបនេះ នូវតែរក្សាបានប្រជាប្រិយភាព និងការគាំទ្រពីមហាជនគ្រប់ស្រទាប់វ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរក្សាបានប្រជាប្រិយភាព និងការគាំទ្រ នៅលើទីផ្សារសិល្បៈរបស់តារាស្រីរូបស្រស់ អ្នកនាង ពេជ្រ សូលីកា នេះគឺផ្តើមចេញពីភាពអត់ធ្មត់រួមផ្សំនឹងការប្រើប្រាស់ចរិតលក្ខណៈសាកសមជានារីខ្មែរ ដែលនាំឲ្យទស្សនិកជនភាគច្រើនលួចសរសើរនិងគោរពរាល់ទង្វើឬសកម្មភាពរបស់នាង ដែលបានស្តែងឡើងស្ទើរគ្រប់គ្នា។

ទន្ទឹមគ្នានោះដែរ ម្ចាស់បទសង្ស័យ ពេលនេះក៏បានទម្លាយសារចេញពីចិត្ត ដោយបង្កប់ន័យអប់រំខ្ពស់ ចំពោះមហាជនទូទៅ ផងដែរ។ អ្នកនាង ពេជ្រ សូលីកា បានថ្លែងរៀបរាប់ចេញពីអារម្មណ៍របស់ខ្លួនថា បើគេស្អប់អ្នក ទោះបីអ្នកប្រឹងធ្វើល្អប៉ុនណា ក៏គេរកកន្លែងទើសអ្នកទាល់តែបាន។ ផ្គាប់ចិត្តមនុស្សគ្រប់គ្នាមិនបានទេ ប្រឹងធ្វើល្អឲ្យអស់ពីចិត្តទៅ បើគេមិនពេញចិត្ត ជារឿងរបស់គេ។

តារាស្រីអ្នកនាង ពេជ្រ សូលីកា បាននិយាយដោយខ្លីទៀតថា ហេតុនេះ សូមកុំចំណាយខួរក្បាល នឹងពេលវេលាលើមនុស្សអវិជ្ជមានច្រើនពេក។ បន្ថែមពីលើនេះ អ្នកនាង ពេជ្រ សូលីកា បានបញ្ជាក់ឲ្យដឹងថា ខ្លឹមសារតាមរយៈបណ្តាញសង្គមហ្វេសប៊ុកដែរថា សម្រាប់ពាក្យពេចន៍ខ្លះៗខាងលើនេះ នាងគ្រាន់តែសម្រង់ចេញពីសៀវភៅកម្លាំងចិត្តរបស់លោកគ្រូ គូ សុភាព ប៉ុណ្ណោះ។ ជាមួយអត្ថន័យខ្លឹមសាររបស់អ្នកនាង ពេជ្រ សូលីកា នេះកំពុងទទួលបានការគាំទ្រច្រើនពីមហាជន និងអ្នកប្រើប្រាស់បណ្តាញសង្គមគ្រប់គ្នា៕