ព័ត៌មានអន្ដរជាតិ

លោក Zelenskiy ស្នើកិច្ចចរចាកំពូលជាមួយរុស្ស៊ីនៅអ៊ីស្រាអែល

បានផុស

៤ years មុន

នៅ

ថ្ងៃចន្ទ ២១ មីនា ២០២២

ដោយ

នៅថ្ងៃអាទិត្យម្សិលមិញ ប្រធានាធិបតីអ៊ុយក្រែន លោក Volodymyr Zelenskiy បាននិយាយថា ប្រទេសអ៉ីស្រាអែលបានកំពុងធ្វើការប្រឹងប្រែងជាច្រើនដើម្បីឲ្យមានកិច្ចពិភាក្សាសន្តិភាពកម្រិតកំពូលរវាងប្រទេសលោក និងរុស្ស៊ី ហើយលោកបានស្នើឲ្យធ្វើនៅទីក្រុងយេរូសាឡឹម។

លោក Zelenskiy ដែលនិយាយតាមរយៈវីដេអូអង្វរប្រចាំថ្ងៃរបស់លោកទៅពលរដ្ឋអ៊ុយក្រែន បន្ទាប់ពីថ្លែងទៅកាន់សភាអ៉ីស្រាអែលតាមរយៈវីដេអូថា លោកនាយករដ្ឋមន្ត្រី Naftali Bennett បានកំពុងព្យាយាមដើរតួនាទីជាអន្តរការីរវាងទីក្រុងកៀវ និងមូស្គូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ពិតណាស់ អ៉ីស្រាអែលចាប់អារម្មណ៍ យុទ្ធសាស្ត្រដើម្បីការពារពលរដ្ឋ។ យើងយល់ពីបញ្ហាទាំងអស់»។ លោក Zelenskiy មានប្រសាសន៍ដែលពាក់អាវយឺតកាគីជាទម្លាប់របស់លោក។

លោកបន្តថា ៖«នាយករដ្ឋមន្ត្រីអ៉ីស្រាអែល លោក Bennett កំពុងព្យាយាមស្វែងរកមធ្យោបាយដើម្បីរៀបចំកិច្ចពិភាក្សា។ ហើយយើងខ្ញុំពិតជាអរគុណខ្លាំងណាស់។ យើងខ្ញុំសូមអរគុណចំពោះការប្រឹងប្រែងរបស់លោក ដូច្នេះឆាប់ៗ ឬក្នុងពេលដ៏ខ្លី យើងនឹងចាប់មានកិច្ចពិភាក្សាជាមួយរុស្ស៊ី អាចនៅទីក្រុងយេរូសាឡឹម»។

«នោះជាកន្លែងដ៏ត្រឹមត្រូវដើម្បីស្វែងរកសន្តិភាព។ ប្រសិនអាចទៅរួច»។

កាលពីសប្តាហ៍មុន លោក Bennett បានខិតខំប្រឹងប្រែងដើម្បីនាំយកភាគីទាំងពីរឲ្យជួបគ្នា និងបាននិយាយជាច្រើនលើកជាមួយភាគីទាំងពីរគឺលោក Zelenskiy និងប្រធានាធិបតីរុស្ស៊ី វ្លាឌីមៀរ ពូទីន។ កាលពីសប្តាហ៍មុន លោកបានធ្វើដំណើរជាសម្ងាត់ទៅកាន់ទីក្រុងមូស្គូដើម្បីជួបមេដឹកនាំរុស្ស៊ី៕

ប្រែសម្រួល៖ វីរបុត្រ
ប្រភព៖ reuters

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា