វប្បធម៌ ជំនឿ
នារីកើតឆ្នាំខាល ពិបាករកគូ ឬស៊ីប្ដី និងអាចនៅព្រៅ មែនទេ?
គេតែងតែលឺ និងនិយាយតៗគ្នាថា នារីកើតឆ្នាំខាល ពិបាករកគូ ឬពិបាកមានស្វាមី ព្រោះគ្រួសារខាងប្រុស ឬសាមីខ្លួនខាងប្រុសផ្ទាល់មិនហ៊ានចូលស្ដីដណ្ដឹងរៀបការ ដោយសារគេគិតថា ឆ្នាំខាល តំណាងសត្វខ្លា សត្វខ្លាកាចសាហាវ និងស៊ីសាច់។ ដូចនេះបើគេហ៊ានយកនារីឆ្នាំខាលជាគូ នោះអាចនឹងមានទំនាស់ ឬលែងគ្នា បើកាន់តែអាក្រក់ គឺភាគីខាងប្ដីត្រូវស្លាប់បាត់បង់ជីវិតដោយប្រការណាមួយ។
ទាក់ទងទៅនឹងពំនោលខាងលើនេះ លោក អ៊ឹម បុរិន្ទ នាយក នៃគណៈកម្មការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទម្លាប់ខ្មែរ បានឱ្យ “កម្ពុជាថ្មី” នៅថ្ងៃទី៣០ ខែមីនា ឆ្នាំ២០២២នេះថា ពំនោលថា មនុស្សស្រីកើតឆ្នាំខាល ពិបាករកគូ នោះមិនត្រឹមត្រូវទេ និងមិនមានចែងក្នុងគម្ពីរក្បួនខ្នាតអ្វីដែរ។
លោក អ៊ឹម បុរិន្ទ មានប្រសាសន៍បន្តថា៖ “អ្នកខ្លះចេះតែនិយាយអ៊ីចឹង តែដូចជាកូនស្រីខ្ញុំអី មានប្ដីមុនគេផង។ យើងឃើញថា មិនមែនមនុស្សស្រីឆ្នាំខាលនៅព្រៅ (ក្រមុំចាស់អត់ប្ដី) ទាំងអស់ឯណា។ គេថា មនុស្សស្រីឆ្នាំខាល ស៊ីប្ដី ទើបគេមិនហ៊ានចង់យក នេះគ្រាន់តែលឺពាក្យគេនិយាយតគ្នាទេ មិនមានចែងក្នុងក្បួនទេ។ បើជីដូនខ្ញុំគាត់កើតឆ្នាំខាលដែរ ហើយនៅជាមួយតាខ្ញុំដល់ទៅអាយុ ៨០ ជាងឯណោះ”។
អ្នកស្រាវជ្រាវវិជ្ជាហោរាសាស្ត្រខ្មែរ ចិន សាកល រូបនេះ បញ្ជាក់ថា ករណីស៊ីប្ដី ឬស៊ីគូនេះ គឺគិតតាមថ្ងៃខែឆ្នាំរបស់បុគ្គល ដែលមានគ្រប់ឆ្នាំ ហើយបុរសក៏មានករណីនេះ។
លោក អ៊ឹម បុរិន្ទ បញ្ជាក់ថា៖ “បើនិយាយពីអ្នកស៊ីប្ដីហ្នឹង គឺគេគិតតាមថ្ងៃខែឆ្នាំ [កើត] ទេ វាមានថ្ងៃខែឆ្នាំដែលមានស្លាប់ប្ដីអីហ្នឹង ទាល់តែយើងដឹងទាំងអស់ ទាំងថ្ងៃខែឆ្នាំកើត បានយើងគណនាដឹង បើយកតែឆ្នាំមួយមុខទេ អត់ប្រាកដទេ។ ការស៊ីប្ដីនេះ គឺមានគ្រប់តែឆ្នាំ ឱ្យតែមានថ្ងៃខែឆ្នាំឆ្លើយមកថា ស៊ីប្ដី ឬដែលគេហៅថា ស៊ីគូហ្នឹង។ ខ្លះទៅស៊ីដល់ទៅ ៣គូ ៤គូ ឯណោះ។ អ្នកខ្លះប្ដីស្លាប់ អ្នកខ្លះប្ដីលែងអ៊ីចឹងទៅណា៎។ បុរសក៏មានស៊ីគូដូចគ្នាដែរ ព្រោះលេខហ្នឹងគេមិនកំណត់ស្រី ឬប្រុសទេ”។
គួរបញ្ជាក់ថា ប្ដីប្រពន្ធដែលអាចរួមរស់ជាមួយគ្នាបាន មិនស្ថិតតែលើថ្ងៃខែឆ្នាំនោះទេ គឺស្ថិតលើភាពស្មោះត្រង់ ផ្ដល់តម្លៃ ការចេះយោគយល់អត់ឱនអធ្យាស្រ័យគ្នា និងគោរពស្រឡាញ់ម្ដាយឪពុកញាតិមិត្តគ្នាទាំងសងខាងទៅវិញទៅមក ជាមួយនឹងគូស្វាមីភរិយាគប្បីមានចំណេះ ឬជំនាញ មុខរបរ មានចំណូលសមរម្យក្នុងការបង្កើតគ្រួសារ កូនចៅ៕
អត្ថបទ៖ ច័ន្ទ វីរៈ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១៩ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២០ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល