រុស្ស៊ី កែនមនុស្ស ១៦ ០០០នាក់ពីមជ្ឈិមបូព៌ា ទៅប្រយុទ្ធនៅ អ៊ុយក្រែន ឲ្យម្នាក់ជាង ៦ពាន់ដុល្លារក្នុងមួយខែ (មានវីដេអូ)

រុស្ស៊ីនិយាយថា ខ្លួនជ្រើសរើសមនុស្សប្រហែល ១៦ ០០០ នាក់មកពីតំបន់មជ្ឈិមបូព៌ា ខណៈប្រព័ន្ធផ្សព្វផ្សាយសង្គមនៅក្នុងប្រទេសស៊ីរី គឺពោរពេញដោយទៅការស្នើសុំឲ្យមនុស្សចូលរួមជាមួយកងទ័ពរុស្ស៊ី។

អ្នកជ្រើសរើសទាហានម្នាក់បានប្រាប់ BBC ថា “ការកែនមនុស្សឲ្យទៅប្រយុទ្ធនៅអ៊ុយក្រែន គឺដូចគ្នានឹងរបៀបដែលយើងកែនទៅលីប៊ីដែរ ពោលគឺមានអ្នកតំណាងនៅក្នុងតំបន់”។

លោកបន្តថា “អ្នកមានសិទ្ធិផ្លាស់ប្តូរការសម្រេចចិត្តរបស់អ្នក បន្ទាប់ពីអ្នកដាក់ពាក្យ។ គ្មាននរណាម្នាក់នឹងបង្ខំអ្នកឲ្យទៅនោះទេ ហើយអ្នកទៅប្រយុទ្ធនៅសមរភូមិជួរមុខ នឹងទទួលបានប្រាក់ ៦ ៥៦៦ដុល្លារ ក្នុងមួយខែ”។

គួរបញ្ជាក់ថា សេដ្ឋកិច្ចរបស់ប្រទេសស៊ីរី ដែលរងការបំផ្លិចបំផ្លាញដោយសង្រ្គាមស៊ីវិល ពេលនេះប្រឈមនឹងការឡើងថ្លៃនៃទំនិញសំខាន់ៗដូចជាស្រូវសាលី ដែលភាគច្រើនមកពីអ៊ុយក្រែន និងរុស្ស៊ី ជាហេតុធ្វើឲ្យសំណើរបស់រុស្ស៊ីមើលទៅកាន់តែទាក់ទាញ។

រុស្ស៊ី​បាន​គាំទ្រ​របប​ស៊ីរី ​ក្នុង​អំឡុង​ពេល​សង្រ្គាម​ស៊ីវិល​របស់​ប្រទេស​នេះ ហើយ​ព័ត៌មាន​រដ្ឋ​រុស្ស៊ី​បាន​អះអាង​ថា ​ទាហាន​ស៊ីរី​ចង់ធ្វើការតបស្នង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ព្យាយាម Hack ណាតូ និងក្រសួងការពារជាតិរបស់បណ្តាប្រទេសអឺរ៉ុប ខាងកើត