ព័ត៌មានជាតិ
សង្ស័យបើកម៉ូតូ បុកឡាន ស្លាប់មន្ត្រីស៊ីម៉ាក់ម្នាក់ និងម្នាក់ទៀតរបួសធ្ងន់
គ្រោះថ្នាក់ចរាចរណ៍មួយបានកើតឡើង សង្ស័យដោយសារអ្នកបើកបរទាំងសងខាង ប្រើប្រាស់ល្បឿនលឿនហួសកំណត់ ហើយករណីនេះ បណ្តាលឲ្យមន្ត្រីស៊ីម៉ាក់ម្នាក់ ស្លាប់ ខណៈបញ្ជូនដល់មន្ទីរពេទ្យ និងម្នាក់ទៀតរងរបួសធ្ងន់។
ហេតុការណ៍នេះបានកើតឡើងកាលពីវេលាម៉ោង១៦និង២០នាទី ថ្ងៃទី២៥ ខែតុលា ឆ្នាំ២០២០ លើផ្លូវជាតិលេខ៦ ចំណុចភូមិរកាកំបុត ឃុំត្រពាំងធំ ស្រុកប្រាសាទបាគង ខេត្តសៀមរាប។
លោកវរសេនីយ៍ឯក លឹម សម្បត្ដិ អធិការនគរបាលស្រុកប្រាសាទបាគង បានឲ្យដឹងថា ករណីនេះកើតឡើងដោយសារ អ្នកបើកបរទាំងសងខាង ប្រើប្រាស់ល្បឿនលឿនហួសកំណត់។
បន្ថែមពីនោះ គ្រោះថ្នាក់ចរាចរណ៍នេះ មានម៉ូតូមួយគ្រឿង ម៉ាកហុងដា សេ១២៥ ស៊េរី ០១១ ពណ៌ខ្មៅ ពាក់ស្លាកលេខសៀមរាប 1K. 8441 បើកបរដោយ ឈ្មោះ ស៊ា គឹមសៀង ភេទប្រុស អាយុ២១ឆ្នាំសញ្ជាតិខ្មែរ បុគ្គលិកស៊ីម៉ាក់ រងបួសធ្ងន់ បានស្លាប់ នៅពេលបញ្ជូនដល់មន្ទីរពេទ្យ។ ក្នុងនោះ ដោយឌុប ឈ្មោះ សុខ កក្ដដា (រងរបួសធ្ងន់) ភេទប្រុស អាយុ២៥ឆ្នាំ សញ្ជាតិខ្មែរ ជាបុគ្គលិកស៊ីម៉ាក់ ស្រុកប្រាសាទបាគង។ បើកបរ ទិសដៅពីលិច ទៅកើត បុកជាមួយរថយន្តម៉ាកFORLAND ពណ៌ស ពាក់ ស្លាកលេខ ភ្នំពេញ3C.0435។ បើកបរដោយជនមិនស្គាល់អត្តសញ្ញាណ មានទិសដៅពីកើត ទៅលិច ។
លោកបន្ថែមថា ក្រោយពេលកើតហេតុរួច អ្នកបើករថយន្ដ ចុះរត់គេចខ្លួនបាត់។ លោកបញ្ជាក់ថា គ្រោះថ្នាក់ចរាចរណ៍នេះ មូលហេតុបណ្តាលមកពីអ្នកបើកបរម៉ូតូ បើកមិនប្រកាន់ស្ដាំ។
បច្ចុប្បន្ន កម្លាំងនគរបាលជំនាញ នៃស្រុកប្រាសាទបាគង កំពុងរៀបចំសំណុំរឿងបញ្ជូនទៅតុលាការដើម្បីចាត់ការតាមច្បាប់៕
អត្ថបទ ៖ កុសល
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម
-
ព័ត៌មានជាតិ៥ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ