ព័ត៌មានអន្ដរជាតិ

លោក Zelensky ថា អ៊ុយក្រែន មិនវាយប្រហារលើទឹកដី រុស្ស៊ី ឡើយ

បានផុស

៤ years មុន

នៅ

ថ្ងៃអង្គារ ៣ ឧសភា ២០២២

ដោយ

ក្នុងរយៈពេលជាង ២ ខែកន្លងមកនេះ អាជ្ញាធររុស្ស៊ីនៅក្នុងតំបន់ជាប់ព្រំដែនអ៊ុយក្រែនបានរាយការណ៍ជាហូរហែនូវការបាញ់ផ្លោងដោយគ្រាប់រ៉ុកកែត កាំភ្លើងធំ និងការវាយឆ្មក់តាមអាកាសទៅលើការតាំងទីលំនៅ និងហេដ្ឋារចនាសម្ព័ន្ធនៅតាមព្រំដែន ជាពិសេសស្ពានពីសំណាក់យោធាអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះប្រធានាធិបតី Volodymyr Zelensky បានចេញមុខនិយាយនៅក្នុងបទសម្ភាសន៍ជាមួយប៉ុស្តិ៍ទូរទស្សន៍អារ៉ាប់ Al-Arabiya និង Al-Hadath ថា កងទ័ពអ៊ុយក្រែនមិនធ្វើប្រតិបត្តិការលើទឹកដីរុស្ស៊ីនោះទេ ទោះបីជាមានករណីជាច្រើននៃការបាញ់ផ្លោងនៅតំបន់ព្រំដែនរុស្ស៊ីដោយអ៊ុយក្រែនក៏ដោយ ។

យោងតាមលោក Zelensky បានឲ្យដឹងថា ជម្លោះគឺស្ថិតនៅក្នុងទឹកដីអ៊ុយក្រែន ហើយមិនបានរីករាលដាលដល់ប្រទេសរុស្ស៊ីនោះទេ ហើយយោធាអ៊ុយក្រែនមិនធ្វើប្រតិបត្តិការប្រយុទ្ធនៅលើដីរុស្ស៊ីឡើយ ។ លោកបញ្ជាក់ទៀតថា យោធាកំពុងការពារមាតុភូមិរបស់ខ្លួន ហើយគ្មានចេតនាកាន់កាប់ទឹកដីរុស្ស៊ីឡើយ ។

គួររម្លឹកថា នៅពាក់កណ្តាលខែមេសា បន្ទាប់ពីមានរបាយការណ៍របស់អាជ្ញាធររុស្ស៊ីនៃការបាញ់ប្រហារនៅឯមូលដ្ឋានប្រេងក្នុងទីក្រុង Belgorod ប្រទេសរុស្ស៊ីពីសំណាក់ឧទ្ធម្ភាគចក្រ Mi-24 របស់អ៊ុយក្រែន, លោក Zelensky បានបដិសេធមិនឆ្លើយដោយផ្ទាល់ចំពោះសំណួរនេះនោះទេ ហើយក៏មិនបញ្ជាក់ពីការចូលរួមណាមួយរបស់ទីក្រុងកៀវផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោកខាងលិចគំរាមបណ្ដាប្រទេសនៅអាហ្វ្រិកឲ្យថ្កោលទោស រុស្ស៊ី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា