អង់គ្លេស ថា រុស្ស៊ី មើលស្រាលការតស៊ូរបស់ អ៊ុយក្រែន

ការមើលស្រាលរបស់រុស្ស៊ី ចំពោះការតស៊ូរបស់អ៊ុយក្រែន បានរារាំងប្រធានាធិបតីរុស្ស៊ីលោក វ្ល៉ាឌីមៀរ ពូទីន ពីការប្រកាសជោគជ័យខាងយោធាដ៏សំខាន់ក្នុងប្រទេសអ៊ុយក្រែន នៅឯក្បួនព្យុយាត្រាទិវាជ័យជម្នះរបស់រុស្ស៊ីកាលពីម្សិលមិញ។ នេះបើយោងតាមក្រសួងការពារជាតិចក្រភពអង់គ្លេស។

ក្រសួងនិយាយថា ផែនការលុកលុយរបស់រុស្ស៊ីគឺផ្អែកលើការសន្មត់ខុស ដែលថា ខ្លួននឹងជួបប្រទះការតស៊ូមានកម្រិត ហើយអាចឡោមព័ទ្ធ និងឆ្លងកាត់មជ្ឈមណ្ឌលប្រជាជនយ៉ាងឆាប់រហ័ស។

ក្រសួងបាននិយាយនៅក្នុងការធ្វើបច្ចុប្បន្នភាពមួយថា ការសន្មត់នេះ បាននាំឲ្យកងកម្លាំងរុស្ស៊ីបើកការវាយប្រហាររបស់ពួកគេជាមួយនឹងវិធីសាស្រ្តធម្មតា ដែលមានបំណងដើម្បីសម្រេចឲ្យបាននូវជ័យជម្នះឆាប់រហ័ស ជាមួយនឹងការចំណាយតិចតួច។

ការគណនាខុសរបស់រុស្ស៊ីបាននាំឲ្យមានការខាតបង់ដោយមិនមាននិរន្តរភាព និងការថយចុះជាបន្តបន្ទាប់នៃការផ្តោតលើប្រតិបត្តិការរបស់រុស្ស៊ី៕

ប្រែសម្រួល៖ Vann Vann

ប្រភព៖ BBC

ចុចអាន៖ ឯកអគ្គរដ្ឋទូតរុស្ស៊ី ជួបហេតុការណ៍មិននឹកស្មាន នៅទីបញ្ចុះសព ប៉ូឡូញ