ព័ត៌មានជាតិ

ពាក់កណ្តាលខែឧសភានេះ ក្រុមការងារមន្ទីរសាធារណការ ខេត្តព្រះវិហារ ចុះបិទស្ទីកឃ័រចំណាំងផ្លាតលើគោយន្តកន្ត្រៃយ៍បានជាង៥០គ្រឿង

បានផុស

៣ years មុន

នៅ

ថ្ងៃពុធ ១៨ ឧសភា ២០២២

ដោយ

ព្រះវិហារ ៖ មន្ទីរសាធារណការនិងដឹកជញ្ជូនខេត្តព្រះវិហារបានសហការជាមួយសមត្ថកិច្ចចុះបិទស្ទីកឃ័រចំណាំងផ្លាតលើគោយន្តកន្ត្រៃយ៍ តាមដងផ្លូវនានាក្នុងភូមិសាស្ត្រខេត្តក្នុងទិសដៅកាត់បន្ថយគ្រោះថ្នាក់ចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឲ្យដឹងថា គិតត្រឹមពាក់កណ្តាលខែឧសភា ឆ្នាំ២០២២នេះ ក្រុមការងារមន្ទីរសាធារណការ និងដឹកជញ្ជូនខេត្តព្រះវិហារ សហការជាមួយកម្លាំងនគរបាលចរាចរណ៍ កម្លាំងកងរាជអាវុធហត្ថ ចុះបិទស្ទីកឃ័រចំណាំងផ្លាតលើគោយន្តកន្ត្រៃយ៍ នៅលើដងផ្លូវជាតិសំខាន់ៗ ក្នុងភូមិសាស្ត្រខេត្តបានចំនួន ៥១គ្រឿងស្មើនឹង ២៥០សន្លឹក។

ប្រធានមន្ទីរសាធារណការនិងដឹកជញ្ជូនខេត្តព្រះវិហារ លោក សំ លាងទ្រី នៅក្នុងកិច្ចប្រជុំប្រចាំខែ គឺតែងបានធ្វើការដាស់តឿនដល់ក្រុមការងារសុវត្ថិភាពចរាចរណ៍ផ្លូវគោកនៃមន្ទីរសាធារណការនិងដឹកជញ្ជូនខេត្ត គឺត្រូវសហការជាមួយសមត្ថកិច្ចចុះបិទស្ទីកឃ័រដោយផ្ទាល់លើគោយន្តកន្ត្រៃយ៍របស់ប្រជាពលរដ្ឋដែលបើកបរនៅលើដងផ្លូវ ជៀសវាងចែកឱ្យគាត់យកទៅទុកចោលនៅកៀនជញ្ជាំងផ្ទះ៕

ដោយ ៖ ស្រីរ័ត្ន