កងទ័ពតៃវ៉ាន់ បាញ់ទម្លាក់ដ្រូនមួយគ្រឿង ជិត ចិនដីគោក

យោធា​តៃវ៉ាន់​ ​បាន​បាញ់​ទម្លាក់​ដ្រូន​មិន​ស្គាល់​អត្តសញ្ញាណមួយគ្រឿង នៅ​លើ​កោះដ៏​តូច​មួយ​ ជិតឆ្នេរ​សមុទ្រ​ចិន​ដីគោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងការពារជាតិរបស់កោះនេះ បានឲ្យដឹងថា យន្តហោះដ្រូន ដែលដំណើរការដោយជនស៊ីវិល បានហោះចូលទៅក្នុងដែនទឹកដែលដាក់កំហិតលើកោះ Shiyu នៅពេលថ្ងៃត្រង់ថ្ងៃព្រហស្បតិ៍ទី០១ខែកញ្ញានេះ ហើយកងទ័ពដែលមានមូលដ្ឋានលើកោះនេះ បានបាញ់ទម្លាក់ដ្រូន បន្ទាប់ពីមិនព្រមស្តាប់ការព្រមាន។

នេះ​ជា​លើក​ទី​មួយ​ហើយ ​ដែលកង​កម្លាំងកោះ​តៃវ៉ាន់ ​បាញ់​ទម្លាក់ដ្រូន​លើ​ទឹកដី​ដែល​គ្រប់គ្រង​ដោយ​ទីក្រុង​តៃប៉ិ។

កាលពីថ្ងៃអង្គារ ក្រសួងការពារជាតិនិយាយថា ខ្លួនបានបាញ់ព្រមាន ដ្រូនស៊ីវិលចំនួន៣គ្រឿង ដែលហោះហើរលើទីតាំងចំនួន៣ផ្សេងគ្នា លើប្រជុំកោះ Quemoy ឬត្រូវបានគេស្គាល់ថា Kinmen។

តៃវ៉ាន់ក៏បាននិយាយផងដែរថា កងកម្លាំងរបស់ខ្លួន បានបាញ់ព្រមានដ្រូនមួយគ្រឿងទៀត ដែលហោះហើរលើកោះ Erdan។ ដ្រូននោះ បានហោះ​ទៅទី​ក្រុង Xiamen វិញ បន្ទាប់​ពី​កងទ័ពបាញ់ព្រមាន៕

ប្រែសម្រួល៖ Vann Vann

ប្រភព៖ SCMP

ចុចអាន៖ ចិន បញ្ជូនយន្តហោះយោធា ៦២ គ្រឿង និងនាវាចម្បាំង ៧ គ្រឿង ទៅច្រកសមុទ្រ តៃវ៉ាន់