កីឡា
អ្នកចាត់ការ Man Utd ប្រកាសថា Ronaldo ពីមុន ជិតត្រលប់មកវិញមែនទែនហើយ
Cristiano Ronaldo បានបញ្ចប់ការខកខានរកគ្រាប់បាល់ដ៏អាក្រក់បំផុតក្នុងអាជីពរបស់ខ្លួន សម្រាប់រយៈពេល ១៦ ឆ្នាំមកនេះ បន្ទាប់ពីការស៊ុតចូលទល់នឹងក្រុម Sheriff Tiraspol ក្នុងពានរង្វាន់ Europa League យប់មិញជួយឱ្យ Man UTD ឈ្នះ ២-០ ហើយអ្នកចាត់ការ លោក Erik ten Hag ជឿជាក់ថាមានរឿងល្អជាច្រើនទៀតដែលនឹងត្រូវមក។
ការស៊ុតចូលនេះ គឺជាគ្រាប់បាល់ដំបូងរបស់ Ronaldo ក្នុងការប្រកួត Europa League ហើយបានជួយឲ្យ Manchester United ឈ្នះយ៉ាងកក់ក្ដៅក្នុងលទ្ធផល ២-០ ក្នុងទឹកដីរបស់ក្រុមនៅម៉ុលដាវ៉ាមួយនេះ ហើយវាក៏ជាគ្រាប់បាល់ដំបូងរបស់ CR7 សម្រាប់ក្លិប ក្នុងការប្រកួតចំនួន ៨ លើក ដោយបានទាត់ចូលចុងក្រោយ ទល់នឹង Brentford តាំងពីខែឧសភា។
ពិតជាមិនគួរឱ្យជឿ វាជាការចំណាយពេលដ៏យូរបំផុតដែលតារាសញ្ជាតិព័រទុយហ្គាល់ បានខកខានក្នុងការរកគ្រាប់បាល់ស៊ុតបញ្ចូលទីតាំងពីឆ្នាំ ២០០៦ ពេលដែលរូបគេបានលេងបាន ១០ ប្រកួត ដោយមិនអាចស៊ុតចូលឱ្យ United នៅចន្លោះខែមីនា និងឧសភា។ ចាប់តាំងពីពេលនោះមក CR7 ស៊ុតបញ្ចូលទីជាប់លាប់រហូត ហើយឥឡូវនេះខ្វះតែ ១ គ្រាប់ទៀតប៉ុណ្ណោះ (៦៩៩គ្រាប់) នឹងនាំឱ្យគេស៊ុតបញ្ចូលទីបាន ៧០០ គ្រាប់ក្នុងអាជីព។
Erik ten Hag អះអាងថា កីឡាករវ័យ ៣៧ ឆ្នាំរូបនេះ បានប្តេជ្ញាចិត្តចំពោះគម្រោងនៅ Old Trafford ហើយរំពឹងថាការទាត់ចូលនេះ នឹងបង្កើនទំនុកចិត្តដល់ Ronaldo។
Ten Hag បាននិយាយបន្ទាប់ពីការឈ្នះលើក្រុម Sheriff ថា «យើងអាចរំពឹងថាវានឹងបែបនេះ នៅពេលដែលអ្នកខកខានការចូលរួមប្រកួតត្រៀមមុនរដូវកាល (Pre-season) គាត់ត្រូវតែធ្វើការយ៉ាងលំបាក និងលះបង់ខ្លាំងដើម្បីទទួលបានកាយសម្បទាត្រឹមត្រូវ។ គាត់នឹងរកគ្រាប់បាល់បានកាន់តែច្រើន។ គាត់ពិតជាកាន់កៀកទៅហើយ នៅពេលដែលគាត់មានភាពរឹងមាំ គាត់នឹងរកគ្រាប់បាល់បានកាន់តែច្រើន។»
ខ្សែប្រយុទ្ធរូបនេះ ត្រូវបានគេនិយាយយ៉ាងច្រើនជាមួយនឹងការចង់ចាកចេញពី Man Utd នៅរដូវក្តៅនេះ ដោយសារតែចង់ទៅលេងនៅក្របខ័ណ្ឌ Champions League ប៉ុន្តែមិនអាចរកឃើញក្លិបដែលចង់បាន៕
ប្រភព៖ thesun.co.uk
អត្ថបទ៖ មន្នីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?