សន្តិសុខសង្គម

ស្នងការខេត្តបាត់ដំបង ណែនាំនាយប៉ុស្តិ៍ទាំងអស់ ត្រូវទទួលខុសត្រូវមូលដ្ឋានខ្លួន គ្មានល្បែងសុីសង

បានផុស

៤ years មុន

នៅ

ថ្ងៃអង្គារ ២០ កញ្ញា ២០២២

ដោយ

លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានក្រើនរំលឹកដល់នាយប៉ុស្តិ៍នគរបាលរដ្ឋបាលទាំងអស់ ត្រូវមានការទទួលខុសត្រូវទាំងស្រុងចំពោះថ្នាក់ដឹកនាំ ក្នុងករណីបើមូលដ្ឋានរបស់ខ្លួនកេីតមានករណីល្បែងស៊ីសងខុសច្បាប់ និងករណីគ្រឿងញៀនខុសច្បាប់គ្រប់ប្រភេទ ហេីយគ្មានវិធានការទប់ស្កាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅសាលប្រជុំធំក្នុងបរិវេណស្នងការដ្ឋាននគរបាលខេត្តបាត់ដំបង នៅថ្ងៃទី១៩ ខែកញ្ញា ឆ្នាំ២០២២ បានបើកកិច្ចប្រជុំផ្សព្វផ្សាយពីលទ្ធផល និងកិច្ចប្រតិបត្តិការរបស់កងកម្លាំងនគរបាលទូទាំងខេត្តបាត់ដំបង ក្នុងរយៈពេល ៩ខែ ឆ្នាំ២០២២ និងផ្សព្វផ្សាយសេចក្តីសម្រេច លេខ ៦២សសរ ចុះថ្ងៃទី១៦ ខែកញ្ញា ឆ្នាំ២០២២ របស់រាជរដ្ឋាភិបាល ស្តីពីការបង្កេីតក្រុមការងារបង្រ្កាបល្បែងស៊ីសងខុសច្បាប់គ្រប់ប្រភេទ ក្រោមអធិបតីភាព ឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង។

ចូលរួមក្នុងកិច្ចប្រជុំនេះមាន លោក លោកស្រីស្នងការរង អនុប្រធានផែន លោកនាយការិយាល័យជំនាញចំណុះស្នងការដ្ឋាន លោក អធិការ នគរបាលក្រុង ស្រុក លោកមេបញ្ជាការវរសេនាតូចនគរបាលការពារព្រំដែនគោក និងនាយប៉ុស្តិ៍នគរបាលរដ្ឋបាល ក្នុងខេត្តបាត់ដំបង ទាំងមូល។

ក្នុងកិច្ចប្រជុំនេះលោកឧត្តមសេនីយ៍ទោ សាត គឹមសាន បានបញ្ជាក់ហេីយបញ្ជាក់ទៀតថា ចាប់ពីពេលនេះតទៅ នាយប៉ុស្តិ៍នគរបាលរដ្ឋបាលទាំងអស់ ត្រូវមានការទទួលខុសត្រូវទាំងស្រុងចំពោះថ្នាក់ដឹកនាំ ក្នុងករណីដែលមូលដ្ឋានរបស់ខ្លួនកេីតមានករណីល្បែងស៊ីសងខុសច្បាប់គ្រប់ប្រភេទ និងករណីគ្រឿងញៀនខុសច្បាប់គ្រប់ប្រភេទ ហេីយនាយប៉ុស្តិ៍ទាំងនោះគ្មានចំណាត់ការលេីបញ្ហានេះ។