ព័ត៌មានជាតិ
ប៉ាណូផ្សាយពាណិជ្ជកម្មមួយកន្លែង ត្រូវបានអាជ្ញាធរស្រុកមណ្ឌលសីមា កាត់រុះរើចេញពីផ្លូវ
ប៉ាណូផ្សាយពាណិជ្ជកម្មមួយកន្លែងនៅទល់មុខវិទ្យាល័យ ហ៊ុន សែន ចាំយាម ត្រូវបានអាជ្ញាធរស្រុកមណ្ឌលសីមា ខេត្តកោះកុង ចុះកាត់រុះរើទម្លាក់មកដី ខណៈមានសភាពចាស់ទ្រុឌទ្រោមខ្លាំងបារម្ភសុវត្ថិភាពដល់អ្នកដំណើរ។
បន្ទាប់ពីទទួលព័ត៌មានក្នុងគ្រុបព័ត៌មានក្រុមអ្នកនាំពាក្យ និងប្រតិកម្មរហ័សរបស់រដ្ឋបាលខេត្តកោះកុង លោកស្រី ឈី វ៉ា អភិបាលស្តីទីខេត្ត បានដឹកនាំអភិបាលស្រុកមណ្ឌលសីមា អង្គភាពការិយាល័យជំនាញចុះពិនិត្យពីសភាពចាស់ទ្រុឌទ្រោមខ្លាំងនៃប៉ាណូពាណិជ្ជម្មនៅលើកំណាត់ផ្លូវជាតិលេខ៤៨ ទល់មុខវិទ្យាល័យចាំយាម។
លោក សុខ ភិរម្យ អភិបាលស្រុកមណ្ឌលសីមា បានឱ្យដឹងនៅរសៀលថ្ងៃទី២៩ ខែកញ្ញា ឆ្នាំ២០២២ថា តាមការណែនាំរបស់រដ្ឋបាលខេត្តកោះកុង លោក និងអាជ្ញាធរមូលដ្ឋាន ជួលរថយន្តស្ទូច និងក្រុមជាង ដើម្បីកាត់ប៉ាណូផ្សាយពាណិជ្ជកម្មនេះចុះមកដីហើយ បញ្ចៀសការបារម្ភ ឬគ្រោះថ្នាក់ដល់ប្រជាពលរដ្ឋអ្នកដំណើរ។
លោកអភិបាលស្រុកមណ្ឌលសីមា បានឱ្យដឹងថា កាលពីយប់មិ្សលមិញថ្ងៃទី២៨ កញ្ញា អាកាសធាតុខ្យល់ភ្លៀងបានបក់បោកទៅលើផ្ទាំងប៉ាណូនេះ ដែលបង្កឱ្យបាក់បែកត្រង់ផ្នែកមួយចំនួនចាស់ផុយ អាស្រ័យហេតុនេះ ទើបលោកស្រីអភិបាលស្តីទីខេត្តកោះកុង សម្រេចចិត្តចាត់ឱ្យទីចាត់ការអន្តរវិស័យ អង្គភាពច្រកចេញតែមួយខេត្ត និងអាជ្ញាធរស្រុក កាត់ទម្លាក់មកដីជាបន្ទាន់។
លោក សុខ ភិរម្យ បន្ថែមថា ក្រោយការកាត់ប៉ាណូនេះហើយ អាជ្ញាធរនឹងអញ្ជើញម្ចាស់ក្រុមហ៊ុនផ្ទាំងប៉ាណូមកពិភាក្សា ដើម្បីជួសជុលកែលម្អជាផ្ទាំងប៉ាណូថ្មីរឹងមាំ ទើបអនុញ្ញាតឱ្យតម្លើងផ្សាយជាថ្មីម្តងទៀត។ ប៉ាណូផ្សាយពាណិជ្ជកម្មដែលមានសភាពចាស់ទ្រុឌទ្រោម មានកម្ពស់ជាង ១០ម៉ែត្រ និងទទឹងកាត់ផ្លូវជាតិលេខ៤៨ ជាង ៣០ម៉ែត្រ ស្ថិតនៅភូមិចាំយាម ឃុំប៉ាក់ខ្លង ដោយអាជ្ញាធររក្សាទុកនៅទីតាំងដដែលជាបណ្តោះអាសន្នសិន ដោយសាររដ្ឋបាលស្រុក ឬអធិការដ្ឋានគរបាលស្រុកពុំមានកន្លែងដាក់រក្សាទុកនោះទេ៕
អត្តបទ៖ សិរីវឌ្ឍនៈ
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព