កីឡា

ទស្សនីយភាពដ៏អស្ចារ្យចំនួន៥នឹងបង្ហាញនៅកីឡាជាតិល្ងាចនេះ

បានផុស

៤ years មុន

នៅ

ថ្ងៃចន្ទ ២១ វិច្ឆិកា ២០២២

ដោយ

ព្រឹត្តិការណ៍កីឡាជាតិ លើកទី៣ និងកីឡាជនពិការ លើកទី១ ឆ្នាំ២០២២ នឹងបើកទំព័រប្រវត្តិសាស្ត្រជាផ្លូវការនាល្ងាចថ្ងៃទី២១ ខែវិច្ឆិកានេះក្រោមអធិបតីភាពដ៏ខ្ពង់ខ្ពស់បំផុតរបស់សម្ដេចអគ្គបហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន នៅពហុកីឡដ្ឋានជាតិមរតកតេជោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងអប់រំ យុវជន និងកីឡា សហការជាមួយគណៈកម្មាធិការជាតិអូឡាំពិកកម្ពុជា និងគណៈកម្មការពាក់ព័ន្ធផ្សេងទៀត រៀបចំកីឡាជាតិ លើកទី៣ និងកីឡាជនពិការ លើកទី១ ចាប់ពីថ្ងៃទី២១ និងថ្ងៃទី ៣០ ខែវិច្ឆិកា ដើម្បីអបអរសាទរក្នុងពិធីបើកការប្រកួតកីឡាជាតិលើកទី៣ ដែលប្រព្រឹត្តទៅចាប់ពីថ្ងៃទី ២១ ខែវិច្ឆិកា ឆ្នាំ២០២២។ ក្នុងព្រឹត្តិការណ៍នេះមានកីឡាចំនួន៤៥ប្រភេទរាប់ទាំងកីឡាជនពិការដើម្បីឲ្យប្រកួតប្រជែងដណ្តើមមេដាយ។

ក្រៅពីពិធីសំខាន់ៗដូចជាបង្ហាញទស្សនីយភាព«ចលនាកាយសមស្រប-លំហាត់អប់រំកាយ និងកីឡា, ពិធីដង្ហែក្បួនប្រតិភូកីឡារាជធានី-ខេត្ត ក្រសួង-ស្ថាប័ន, ដង្ហែទង់ជាតិ ទង់កីឡា និងសុន្ទរកថារបស់ថ្នាក់ដឹកនាំ ទស្សនិកជននឹងទទួលបានចំណីចក្ខុពិសេសប្លែកមិនធ្លាប់សម្រាប់ព្រឹត្តិការណ៍ធំបែបនេះ។

ខាងក្រោមជាកម្មវិធីសម្តែងដ៏អស្ចារ្យ

១-ការសម្តែងបទចម្រៀង«វីរភាពកីឡា»
២-ទស្សនីយភាពរាំប្រជាប្រិយ«រាំវង់ រាំកន្ត្រឹម ឡាំឡាវ (ឡាំឡក)
៣-ទស្សនីយភាពសម្តែងយុទ្ធគុន«ព្រលឹងល្បុក្កតោ»
៤-ការសម្តែងបទចម្រៀង«អច្ឆរិយកីឡា»
៥-ការអុជកាំជ្រួចដើម្បីអបអរសាទរ

ការរៀបចំព្រឹត្តិការណ៍កីឡាដ៏ធំបែបនេះដើម្បីជាការដកស្រងបទពិសោធ និងបង្កើនសមត្ថភាពដើម្បីឲ្យល្អប្រសើរសម្រាប់ការទទួលរៀបចំកីឡាស៊ីងហ្គេម-អាស៊ានប៉ារ៉ាហ្គេម ឆ្នាំ២០២២ ឲ្យទទួលបានជោគជ័យ៕

អត្ថបទ៖ វីរបុត្រ

Related Topics:កីឡាជាតិលើកទី៣

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា