កីឡា

Esports កម្ពុជាប៉ះឥណ្ឌូនេស៊ី ថ្ងៃនេះវគ្គពាក់កណ្តាលផ្តាច់ព្រ័ត្រជើងឯកពិភពលោក

បានផុស

៤ years មុន

នៅ

ថ្ងៃអង្គារ ៦ ធ្នូ ២០២២

ដោយ

ក្រុមកីឡាអេឡិចត្រូនិកជម្រើសជាតិកម្ពុជា Impunity Cambodia នឹងប្រកួតជាមួយក្រុមជម្រើសជាតិម្ចាស់ផ្ទះឥណ្ឌូនេស៊ី ថ្ងៃនេះក្នុងព្រឹត្តិការណ៍ប្រកួតកីឡាអេឡិចត្រូនិកជើងឯកពិភពលោក World Esports Championship 2022 រៀបចំដោយសហព័ន្ធកីឡាអេឡិចត្រូនិកអន្តរជាតិ (IESF) នៅកោះបាលី ចាប់ពីថ្ងៃទី៣ ដល់ទី១១ ខែធ្នូ ឆ្នាំ២០២២។

សម្រាប់ពេលវេលាប្រកួតមិនទាន់ច្បាស់ទេ ដោយសារត្រូវរង់ចាំលទ្ធផលនៃការប្រកួតរវាងក្រុមអាហ្សង់ទីន និងហ្វីលីពីន ហើយក្នុងចំណោមក្រុមពីរនេះត្រូវមានមួយត្រូវឡើងទៅជួបក្រុមម៉ាឡេស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនឡើងដល់វគ្គពាក់កណ្តាលផ្តាច់ព្រ័ត្រ ក្រុមកម្ពុជាបានយកឈ្នះក្រុមណាមីប៊ី ដោយលទ្ធផល ២-០ និងបន្តឈ្នះក្រុមម៉ាឡេស៊ី ដោយលទ្ធផល ២-១ ដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រកម្រិត Upper Bracket Final ដោយមានមេដាយសំរឹទ្ធក្នុងដៃស្រាប់ហើយ។

សម្រាប់ការប្រកួតថ្ងៃនេះ ប្រសិនបើក្រុមកម្ពុជាទទួលបានជ័យជម្នះលើក្រុមខ្លាំងឥណ្ឌូនេស៊ី នឹងឡើងទៅកាន់វគ្គផ្តាច់ព្រ័ត្រ ប៉ុន្តែប្រសិនបើចាញ់ក៏មិនទាន់អស់ឱកាសឡើងទៅកាន់វគ្គផ្តាច់ព្រ័ត្រដែរ។ ប្រសិនបើចាញ់ ក្រុមកម្ពុជានឹងធ្លាក់មកកម្រិត Lower Bracket Final ដែលត្រូវប្រកួតជាមួយក្រុមដែលស្ថិតនៅកម្រិតទៀត។

ចំពោះក្រុមម៉ាឡេស៊ី ដែលប្រកួតចាញ់កម្ពុជាបានធ្លាក់មកកម្រិត Lower Bracket Final ហើយបានប្រកួតឈ្នះក្រុមវៀតណាម ដូច្នេះក្រុមម៉ាឡេស៊ី ក៏កំពុងមានឱកាសឡើងទៅកាន់វគ្គពាក់កណ្តាលផ្តាច់ព្រ័ត្រដែលត្រូវត្រៀមប្រកួតជាមួយអាហ្សង់ទីន ឬហ្វីលីពីន។ ក្នុងចំណោមម៉ាឡេស៊ី អាហ្សង់ទីន និងហ្វីលីពីន ត្រូវមានមួយឡើងទៅកាន់វគ្គពាក់កណ្តាលផ្តាច់ព្រ័ត្រដែលត្រូវជួបក្រុមចាញ់រវាងកម្ពុជា និងឥណ្ឌូនេស៊ី។

សម្រាប់ព្រឹត្តិការណ៍ជើងឯកពិភពលោកមានក្រុមជម្រើសជាតិមកពីតំបន់ទ្វីបអាស៊ី អាហ្វ្រិក អាមេរិក និងអឺរ៉ុប។ យ៉ាងណាមិនមានក្រុមច្រើនចូលរួមប្រកួតឡើយ គឺមានតែ៨ក្រុមប៉ុណ្ណោះចូលរួមប្រកួត។

ចំពោះប្រាក់រង្វាន់សរុបចំនួន១សែនដុល្លារអាមេរិកដែលត្រូវបានបែងចែកទៅតាមចំណាត់ថ្នាក់ដូចខាងក្រោម៖

ជើងឯក៖ ៥ម៉ឺនដុល្លារ
លេខ២៖ ៣ម៉ឺនដុល្លារ
លេខ៣៖ ២ម៉ឺនដុល្លាត
ក្រុមចាប់ពីចំណាត់ថ្នាក់លេខ៤ដល់លេខ៨ក៏ទទួលបានប្រាក់រង្វាន់លើកទឹកចិត្តដែរ។

អត្ថបទ៖ វីរបុត្រ

Related Topics:កីឡាអេឡិចត្រូនិក

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា