ចូលរោងការថ្ងៃនេះ សេដ្ឋីប្រាក់លានថៃបញ្ចេញឃ្លិប Pre Wedding ជាមួយគូស្នេហ៍ (មានវីដេអូ)

សេដ្ឋីប្រាក់លាន Note Wiset ទើបតែបង្ហោះឃ្លិប Pre Wedding ជាមួយគូស្នេហ៍ដើម្បី​អបអរ​ថ្ងៃ​អាពាហ៍ពិពាហ៍​របស់អ្នកទាំងពីរ ខណៈថ្ងៃនេះ​ចូលរោងការយ៉ាងមានសុភមង្គល។

ងាកទៅ​បរិយាកាស​នៅលើបណ្ដាញសង្គម Instagram របស់លោក​គឺពោរពេញទៅដោយក្តីស្រលាញ់ និង​ភាពផ្អែមល្ហែម។ ជាពិសេសនៅពេលជិតដល់ពិធីមង្គលការ ហាក់​មាន​រូបភាព​នៃ​ពេលវេលា​រ៉ូមែនទិក​ដែល​ត្រូវ​បាន​គេ​បញ្ចេញ​ជា​បន្ត​បន្ទាប់​ ដើម្បីបង្អួត​អ្នកគាំទ្រនិងមនុស្សជាទីស្រលាញ់​ដែល​កំពុង​តែរង់ចាំ​ថ្ងៃ​ល្អឯកនេះ។

មួយ​ក្នុង​ចំណោម​នោះ​ គឺ វីដេអូ​ឃ្លិប Pre Wedding ដែល​បង្ហាញពី​អត្តសញ្ញាណ និង​របៀប​រស់នៅ​របស់​គូស្នេហ៍​ថ្មីថ្មោង Patricia Good និង Note wised ពីវិធីបង្ហាញក្តីស្រលាញ់ និងការយកចិត្តទុកដាក់ដែលផ្តល់នូវអារម្មណ៍កក់ក្តៅ និងសាមញ្ញដែលអ្នកទាំងពីរបាន​ដើរ​ទន្ទឹម​គ្នាកន្លងមក។

លើស​ពី​នេះ​ទៅ​ទៀត អ្នកជំនួញប្រាក់លាន​Note wised ក៏បានសរសេរជាភាសា​អង់គ្លេសថា”Our journey begins soon” ដែលមានខ្លឹមសាររៀបរាប់ពីជំហានមួយទៀតនៃជីវិតរបស់លោក និងគូស្នេហ៍ដែលត្រូវរួមរស់ជាមួយគ្នាក្នុងនាមជាប្ដីប្រពន្ធ ដោយបញ្ចាក់ថា “ដំណើររ​បស់យើងនឹង​ចាប់ផ្តើម​ក្នុង​ពេល​ឆាប់ៗ​នេះ”។ ភ្លាមៗនោះដែរ មានអ្នកគាំទ្រ និងមិត្តភ័ក្តិល្បីៗក្នុងរង្វង់​ជំនួញ និង​កម្សាន្ត បានសម្រុកចូលមកចុច Like រួមទាំង​អបអរសាទរគ្នា​ទៅវិញ​ទៅមកយ៉ាង​ច្រើន​លើសលប់ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ទីបំផុត Baifern ចូលខ្លួនផ្ដល់ចម្លើយ តាមការកោះហៅរបស់ប៉ូលិសហើយ

ចុចអាន៖Baifern ផាត់មុខស្រាលៗ តែសម្រស់ចាក់ដោត ដល់បេះដូងអ្នកគាំទ្រជាច្រើន