ជីវិតកម្សាន្ដ

ទីបំផុត Baifern ចូលខ្លួនផ្ដល់ចម្លើយ តាមការកោះហៅរបស់ប៉ូលិសហើយ

បានផុស

១ year មុន

នៅ

ថ្ងៃអង្គារ ២០ ធ្នូ ២០២២

ដោយ

កាលពីវេលាម៉ោង១០យប់ ថ្ងៃទី១៩ ខែធ្នូ នៅប៉ុស្តិ៍ប៉ូលិស Sai Mai តារាសម្ដែង Baifern រួមជាមួយនឹងអ្នកគ្រប់គ្រង និងមេធាវី បានចូលខ្លួនមកមកផ្តល់ចម្លើយដល់មន្ត្រីស៊ើបអង្កេត តាមការកោះហៅរបស់ប៉ូលិសកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញក្រោយការសួរចម្លើយអស់ជាង១ម៉ោង Baifern បានដើរចុះពីបន្ទប់សួរចម្លើយ ដោយគ្រវីដៃស្វាគមន៍អ្នកសារព័ត៌មានដែលរង់ចាំនាង មុនពេលមេធាវីមកដល់ហើយបាននិយាយថា “មិនស្រួលក្នុងការសម្ភាសន៍” ខណៈនាងមិនបានឆ្លើយសំណួរណាមួយទៅកាន់ប្រព័ន្ធផ្សព្វផ្សាយ និងបានយករថយន្តឯកជនចាកចេញពីប៉ុស្តិ៍ប៉ូលិសភ្លាមៗផងដែរ។

ផ្អែកលើក្រុមមន្រ្តីស៊ើបអង្កេតកន្លងមកបានកោះហៅតារាសម្ដែង Baifern Pimchanok ដោយសារតែនាងជាប់ព័ន្ធនឹងករណីរមណីយដ្ឋានមួយកន្លែងដែលបានទន្ទ្រានយកដីព្រៃបម្រុងជាតិ Phu Kha-Pha Daeng ក្នុងខេត្តណានកាលពីថ្ងៃទី១៣។

ទោះយ៉ាងណា កាលពីកន្លងទៅនេះ អ្នកគ្រប់គ្រងផ្ទាល់ខ្លួនរបស់ Baifern បានបំភ្លឺថា នាងនិងក្រុមការងារគ្រាន់តែទៅធ្វើដំណើរកម្សាន្តធម្មតា ដើម្បីបំបាត់ស្ត្រេសប៉ុណ្ណោះ មិនមានការថតស្ពតអ្វីទេ។ ដោយឡែកកន្លែងដែលនាងថតបង្ហោះនៅលើបណ្ដាញសង្គម ជាកន្លែងក្រុមមិត្តភក្តិរបស់នាងបានស្វែងរកនៅលើអ៊ីនធឺណិតប៉ុណ្ណោះ៕