ហាណូយ នឹងបិទសាលារៀន បើសីតុណ្ហភាពចុះត្រជាក់ក្រោម ១០ អង្សាសេ

ប្រសិនបើសីតុណ្ហភាពធ្លាក់ចុះក្រោម ១០ អង្សាសេនោះ សិស្សសាលាបឋមសិក្សានៅទីក្រុងហាណូយអាចនឹងបិទថ្នាក់រៀនបណ្ដោះអាសន្ន ខណៈសិស្សវិទ្យាល័យក៏នឹងធ្វើបែបនេះដូចគ្នា ប្រសិនបើសីតុណ្ហភាពទាបជាង ៧ អង្សាសេ ។

នាយកដ្ឋានអប់រំទីក្រុងបាននិយាយកាលពីថ្ងៃចន្ទថា សាលារៀនក៏គួរតែបត់បែនទៅតាមកាលៈទេសៈ ឬពេលវេលាថ្នាក់រៀនផងដែរ ប្រសិនបើអាកាសធាតុចុះត្រជាក់ខ្លាំងលើសនេះ ។

នាយកដ្ឋានបានពន្យល់នៅក្នុងសេចក្តីថ្លែងការណ៍មួយថា “សាលារៀនអាចសម្រេចឲ្យសិស្សចូលថ្នាក់រៀនយឺតជាងធម្មតាសម្រាប់វេនពេលព្រឹក ហើយក្នុងករណីសិស្សមកយឺត ដោយសារអាកាសធាតុត្រជាក់ សាលារៀនគួរតែអនុញ្ញាតឲ្យពួកគេចូលរៀនដោយមិនមានការដាក់ពិន័យអ្វីឡើយ” ។

សីតុណ្ហភាពនៅទីក្រុងហាណូយបានធ្លាក់ចុះដល់ ៧.៣ អង្សាសេកាលពីព្រឹកថ្ងៃអង្គារ បន្ទាប់ពីធ្លាក់ចុះដល់ ៧ អង្សាសេនៅព្រឹកថ្ងៃចន្ទ ខណៈដែលសង្កាត់ទាំង ៣០ និងតំបនភាគខាងជើងទាំងមូល ជាពិសេសនៅខេត្តភ្នំ Ha Giang សីតុណ្ហភាព​ទាប​បំផុត​គឺ ១.៨ អង្សាសេ ។

ពាក់ព័ន្ធនឹងបញ្ហានេះដែរ មជ្ឈមណ្ឌលជាតិសម្រាប់ការព្យាករណ៍ធនធានជលសាស្ត្របាននិយាយថា អាកាសធាតុត្រជាក់នៅតំបន់ភាគខាងជើងរបស់ប្រទេសវៀតណាម អាចនឹងបន្តរហូតដល់ក្រោយបុណ្យណូអែល ៕

ប្រែសម្រួលដោយ ៖ ជីវ័ន្ត

ប្រភព ៖ VN Express

ចុចអាន ៖ តើ Cristiano Ronaldo អបអរ Messi ឈ្នះ World Cup ដែរឬទេ?