តើ Cristiano Ronaldo អបអរ Messi ឈ្នះ World Cup ដែរឬទេ?

តើវីរបុរសបាល់ទាតរបស់ព័រទុយហ្គាល់ Cristiano Ronaldo អបអរសាទរ Lionel Messi ដែលជាដៃគូប្រកួតប្រជែងដ៏ស្វិតស្វាញបំផុតហើយឬនៅ បន្ទាប់ពីអាហ្សង់ទីនក្លាយជាជើងឯកបាល់ទាត់ពិភពលោក FIFA World Cup ឆ្នាំ២០២២ នៅប្រទេសកាតា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាសំណួរក្ដៅមួយដែលអ្នករាល់គ្នាចង់ដឹង ចាប់តាំងពី Messi នាំអាហ្សង់ទីនឈ្នះបារាំងដោយបាល់ប៉េណាល់ទីកាត់សេចក្ដីក្នុងលទ្ធផល ៤-២ ក្នុងពហុកីឡដ្ឋាន Lusail កាលពីថ្ងៃអាទិត្យកន្លងទៅ ។

ពាក់ព័ន្ធនឹងចម្លើយនេះ សារព័ត៌មានឥណ្ឌា Latestly បានចុះផ្សាយថា Cristiano Ronaldo មិនទាន់អបអរ ឬផ្ញើសារអ្វីមួយទៅកាន់ Messi នៅឡើយទេ ខណៈអតីតខ្សែប្រយុទ្ធរបស់ប្រេស៊ីល Ronaldo Luis Nazario de Lima, អតីតកីឡាករអង់គ្លេស David Beckam និងមិត្តរួមក្រុម Paris SG គឺកីឡាករ Neymar បានសាទរអាហ្សង់ទីនចំពោះការគ្រងជើងឯកមួយនេះ ។

គួរបញ្ជាក់ថា Cristiano Ronaldo បានបង្ហាញទម្រង់លេងមិនសមប្រកបឡើយសម្រាប់ការប្រកួតបាល់ទាត់ FIFA World Cup ឆ្នាំ ២០២២ នេះ ដោយកីឡាករវ័យ ៣៧ ឆ្នាំរូបនេះភាគច្រើនស្ថិតក្នុងកៅអីបម្រុង ហើយព័រទុយហ្គាល់ក៏បានជ្រុះចេញពីពានរង្វាន់មួយនេះផងដែរ ត្រឹមវគ្គ ៨ ក្រុមចុងក្រោយដោយប្រកួតចាញ់ម៉ារ៉ុក ១-០ ៕

ប្រែសម្រួលដោយ ៖ ជីវ័ន្ត

ប្រភព ៖ Latestly

ចុចអាន ៖ ទីបំផុត Messi នាំពាន World Cup ទៅដល់ទឹកដី អាហ្សង់ទីន ហើយ