ឌីជេ Soda ទម្លាយអារម្មណ៍ឈឺចាប់ ពេលចូលសិល្បៈដំបូង

មុនមានកេរ្តិ៍ឈ្មោះល្បីល្បាញដូចបច្ចុប្បន្ន ឌីជេ Soda ធ្លាប់រងពាក្យរិះគន់យ៉ាងដំណំ រហូតធ្វើឱ្យនាងបាក់ទឹកទឹកចិត្ត សឹងបញ្ឃប់អាជីពខ្លួនឯង ប៉ុន្តែទីបំផុតតារាកូរ៉េខាងត្បូងរូបនេះអាចឆ្លងផុតការឈឺចាប់ សាងប្រជាប្រិយភាពយ៉ាងល្បីរន្ទឺ។

ក្រោយរងការ​ឈឺចាប់​ដោយសារ​មតិ​អវិជ្ជមានពីអតីតកាល ឌីជេ Soda បាន​រៀន​ទទួលយក​ការពិត​ក្នុង​ជំហាន​របស់ខ្លួន ហើយជម្នះបានរាល់ពាក្យតិះដៀលទាំងឡាយ ​រហូតមកទល់ពេលនេះនាងគឺតារាស្រីដែលល្បីល្បាញជាអន្តរជាតិ​។

នៅក្នុងបទសម្ភាសន៍ជាមួយ AsiaOne ថ្មីៗនេះ Hwang So-hee ដែលទស្សនិកជនស្គាល់តាមរយៈឈ្មោះហៅក្រៅ DJ Soda បានបង្ហើបថា នាងធ្លាប់ទទួលការវាយប្រហារដោយពាក្យមិនល្អយ៉ាងធ្ងន់ធ្ងរនៅពេលចាប់ផ្ដើមអាជីពដំបូងៗ។

អ្នកខ្លះថា នាងចម្លងស្ទីលពីគេ អ្នកខ្លះថានាងបន្លំៗ យកជាការអ្វីមិនបាន។ ឌីជេវ័យ ៣៤ឆ្នាំរូបនេះនិយាយទៀតថា “ខ្ញុំបានបាក់ទឹកចិត្តធ្ងន់ធ្ងរ ដោយសារពាក្យអវិជ្ជមានទាំងនោះ។  ប៉ុន្តែបច្ចុប្បន្ន ខ្ញុំគិតថា វាកម្លាំងជំរុញឱ្យខ្ញុំឈានមកដល់ចំណុចនេះ។ ខ្ញុំពិតជាមិនខឹងនឹងពួកគេនោះទេ”។

នាងបានរៀបរាប់បន្ថែមថា “គ្រប់ពេល​ភាព​ឯកា​ ឬការឈឺចាប់កើតឡើងនៅលើវិថីសិល្បៈរបស់ខ្ញុំ ខ្ញុំតែងប្រាប់ខ្លួនឯងឱ្យ​ស៊ូទ្រាំ​ ព្រោះតន្ត្រីជាដៃគូជីវិតរបស់ខ្ញុំ បើខ្ញុំបោះបង់វា ប្រៀបបានបោះបង់ខ្លួនឯង” ៕

ប្រែសម្រួល៖ សន្យា

ចុចអាន៖ Jin បង្ហាញរូបភាពលើកដំបូង ក្នុងនាមជាទាហាន