ព័ត៌មានអន្ដរជាតិ
សមាជិកណាតូ ព្រមានថា បរាជ័យរបស់អ៊ុយក្រែន អាចនាំឲ្យផ្ទុះសង្គ្រាមលោកលើកទី៣ (មានវីដេអូ)
នាយករដ្ឋមន្ត្រីប៉ូឡូញ លោក Mateusz Morawiecki បានអះអាងនៅថ្ងៃអង្គារទី១៧ខែមករានេះថា បរាជ័យរបស់អ៊ុយក្រែន អាចនាំឲ្យមានសង្គ្រាមលោកលើកទីបី ដែលនេះមានន័យថា ប្រទេសអាល្លឺម៉ង់ និងសមាជិកណាតូផ្សេងទៀត ត្រូវតែបង្កើន និងបញ្ជូនសព្វាវុធបន្ថែមទៀតដល់ទីក្រុង កៀវ។
ថ្លែងក្នុងទីក្រុងបែរឡាំង នៅឯពិធីអបអរសាទរអាជីពរយៈពេល៥០ឆ្នាំរបស់អ្នកនយោបាយអាល្លឺម៉ង់ Wolfgang Schauble, លោក Morawiecki បានទទូចថា ប្រទេសអាល្លឺម៉ង់ ត្រូវតែអនុញ្ញាតឲ្យមានការប្រគល់រថក្រោះធុន Leopard 2 ទៅអ៊ុយក្រែន។ ប៉ូឡូញ និងហ្វាំងឡង់ បានសន្យាផ្តល់រថក្រោះទៅឲ្យទីក្រុងកៀវ ប៉ុន្តែត្រូវការការអនុញ្ញាតជាផ្លូវការពីអាល្លឺម៉ង់ ដើម្បីប្រគល់ទៅបាន។
លោក Morawiecki អះអាងថា “សព្វថ្ងៃ អ៊ុយក្រែនកំពុងប្រយុទ្ធ មិនមែនត្រឹមតែដើម្បីសេរីភាពរបស់ពួកគេប៉ុណ្ណោះទេ ប៉ុន្តែថែមទាំងការពារអឺរ៉ុបផងដែរ។ ខ្ញុំសូមអំពាវនាវឲ្យរដ្ឋាភិបាលអាល្លឺម៉ង់ ចាត់វិធានការយ៉ាងម៉ឺងម៉ាត់ និងប្រគល់សព្វាវុធគ្រប់ប្រភេទទៅឲ្យអ៊ុយក្រែន”។
លោកបន្ថែមថា “បរាជ័យរបស់អ៊ុយក្រែន អាចឈានឆ្ពោះទៅការផ្ទុះសង្រ្គាមលោកលើកទី៣ ដូច្នេះថ្ងៃនេះ មិនមានហេតុផលណាមួយដើម្បីរារាំងការគាំទ្រសម្រាប់ទីក្រុងកៀវ និងពន្យារពេលបញ្ហានោះទេ”។
គួរបញ្ជាក់ថា អាល្លឺម៉ង់ មានរថក្រោះ Leopard ប្រហែល ១១០ គ្រឿង ដែលអាចប្រគល់ទៅឲ្យអ៊ុយក្រែន ប៉ុន្តែការរៀបចំឲ្យរថក្រោះទាំងនោះ ចូលបម្រើការបានល្អប្រសើរ នឹងត្រូវចំណាយប្រាក់អស់រាប់រយលានអឺរ៉ូ ហើយត្រូវចំណាយពេលប្រហែលមួយឆ្នាំ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ ណាតូ សន្យា ផ្តល់ អាវុធ ធុន ធ្ងន់ បន្ថែម ទៀត ជួយ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង