រុស្ស៊ី បញ្ជាក់ ២ចំណុច ដែលលោកខាងលិច អាចដោះស្រាយជម្លោះនៅអ៊ុយក្រែន បាន

អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃសុក្រទី២០ថា ទំនាក់ទំនងរវាងសហរដ្ឋអាមេរិក និងរុស្ស៊ី គឺស្ថិតនៅចំណុចទាបបំផុត មិនធ្លាប់សោះ ចំពេលមានវិបត្តិនៅក្នុងប្រទេសអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្ថែមថា នៅពេលជម្លោះកាន់តែយ៉ាប់យ៉ឺន មធ្យោបាយតែមួយគត់ដើម្បីដោះស្រាយបាន គឺប្រទេសលោកខាងលិចត្រូវទទួលស្គាល់កំហុស និងផ្លាស់ប្តូរគោលនយោបាយរបស់ពួកគេ។

មន្ត្រីរូបនេះបានប្រាប់អ្នកសារព័ត៌មានថា ថ្វីបើមានក្តីសង្ឃឹមដំបូងថា ក្រោមការដឹកនាំរបស់លោកប្រធានាធិបតី ចូ បៃដិន សហរដ្ឋអាមេរិកនឹងភ្ជាប់ទំនាក់ទំនងការទូតជាមួយរុស្ស៊ីក៏ដោយ ប៉ុន្តែរយៈពេលពីរឆ្នាំចុងក្រោយនេះ ទំនាក់ទំនងទ្វេភាគីរបស់ប្រទេសទាំងពីរគឺអាក្រក់បំផុត។ ​ឥឡូវ​នេះ ​ទំនាក់ទំនង​ប្រហែល​ជា​ស្ថិត​នៅ​ចំណុច​ទាប​បំផុត​ជា​ប្រវត្តិសាស្ត្រ​ ហើយគ្មាន​សង្ឃឹម​សម្រាប់​ការ​កែលម្អ​ក្នុង​ពេល​ឆាប់ៗ​នេះ​ទេ​។

យោងតាមលោក Peskov, អាល្លឺម៉ង់ បារាំង និងអ៊ុយក្រែន កំពុងលេងល្បែងបោកបញ្ឆោតជាមួយកិច្ចព្រមព្រៀងទីក្រុងមីនស្កិ៍។ ឥឡូវនេះជាពេលវេលាសងវិញហើយ។ លោកនិយាយបែបនេះ ដោយសំដៅលើផែនទីបង្ហាញផ្លូវសម្រាប់ការផ្សះផ្សាអ៊ុយក្រែន ដែលប្រទេសទាំងបីបានចុះហត្ថលេខាជាមួយរុស្ស៊ីកាលពីឆ្នាំ២០១៥។

អតីតមេដឹកនាំ Angela Merkel, Francois Hollande និង Pyotr Poroshenko បាននិយាយថា កិច្ចព្រមព្រៀងដែលពួកគេចរចាជាមួយរុស្ស៊ី គឺចង់ផ្តល់ពេលវេលាដល់ទីក្រុងកៀវ ដើម្បីកសាងយោធារបស់ខ្លួនឡើងវិញ។

ទីក្រុងមូស្គូចាត់ទុកការទទួលស្គាល់ទាំងនេះ ថាជាភស្តុតាងបង្ហាញថា កិច្ចចរចាត្រូវបានធ្វើឡើងដោយជំនឿអាក្រក់ ហើយថារដ្ឋាភិបាលអ៊ុយក្រែន និងអ្នកគាំទ្ររបស់ខ្លួន តែងតែមានបំណងឲ្យកិច្ចព្រមព្រៀងទីក្រុង មីនស្កិ៍ បរាជ័យ និងឲ្យការប្រឈមមុខដាក់គ្នា Donbass ត្រូវបានដោះស្រាយដោយមធ្យោបាយយោធា៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី គំរាមផ្ទុះសង្គ្រាមនុយក្លេអ៊ែរ បើ ខ្លួនចាញ់នៅ អ៊ុយក្រែន