ព័ត៌មានជាតិ

តំបន់សេដ្ឋកិច្ចពិសេសដំបូងគេខេត្តកំពង់ចាម បង្កើតការងារជាង ៥ ម៉ឺនកន្លែង

បានផុស

៣ years មុន

នៅ

ថ្ងៃសុក្រ ៣ កុម្ភៈ ២០២៣

ដោយ

បើតាមការបញ្ជាក់របស់លោក អ៊ុន ចាន់ដា ខេត្តកំពង់ចាមនឹងបង្កើតឲ្យមានតំបន់សេដ្ឋកិច្ចពិសេស ក្រោយទទួលបានការអនុញ្ញាតពីក្រុមប្រឹក្សាអភិវឌ្ឍកម្ពុជា។

លោក អ៊ុន ចាន់ដា អភិបាលខេត្តកំពង់ចាមថ្លែងនៅក្នុងសន្និសីទបង្ហាញពីជោគជ័យរយៈពេល ៥ ឆ្នាំ របស់រដ្ឋបាលខេត្តដែលរៀបចំឡើងដោយអង្គភាពអ្នកនាំពាក្យនៅព្រឹកនេះថា តំបន់សេដ្ឋកិច្ចពិសេសដែលគ្រោងបង្កើតនេះ គ្របដណ្តប់លើផ្ទៃដីទំហំ ៩០ ហិកតា ដែលអាចបង្កើតការងារជូនប្រជាពលរដ្ឋក្នុងខេត្តបានចំនួន ៥ ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«បច្ចុប្បន្នក្រុមហ៊ុនកំពុងឈូសឆាយរៀបចំដី ហើយអាចនឹងដំណើរការឆាប់ៗខាងមុខនេះ»។ នេះបើតាមលោក អ៊ុន ចាន់ដា។

ថ្លែងទៅកាន់អ្នកសារព័ត៌មានក្នុងពិធីបើកការដ្ឋានពង្រីក និងលើកកម្រិតគុណភាព កំណាត់ផ្លូវជាតិលេខ ៧ លោក អ៊ុន ចាន់ដា អភិបាលខេត្តកំពង់ចាមបញ្ជាក់ថា តំបន់សេដ្ឋកិច្ចពិសេសនេះមានទីតាំងស្ថិតក្នុងស្រុកជើងព្រៃ ដែលវិនិយោគដោយក្រុមហ៊ុនឯកជន។

សក្តានុពលសេដ្ឋកិច្ចរបស់ខេត្តកំពង់ចាមពឹងផ្អែកលើវិស័យសំខាន់ៗចំនួន ៣ គឺ វិស័យកសិកម្ម សេវាកម្ម និងវិស័យឧស្សាហកម្ម។ ទំហំសេដ្ឋកិច្ចរបស់ខេត្តកំពង់ចាមស្មើនឹង ៦,៧% នៃសេដ្ឋកិច្ចជាតិសរុប ខណៈចំណូលសម្រាប់មនុស្សម្នាក់ៗមានចំនួន ១.៥៩២ ដុល្លារ។

តាមរបាយការណ៍របស់ខេត្ត ខេត្តកំពង់ចាមមានរោងចក្រសិប្បកម្មចំនួន ១.៥៤៤ មូលដ្ឋាន។ ក្នុងនោះរោងចក្រធុនធំ (វិនិយោគ) ចំនួន ២៧ មូលដ្ឋាន រោងចក្រធុនមធ្យម ចំនួន ២៣ មូលដ្ឋាន រោងចក្រធុនតូច ចំនួន ១៥៥ មូលដ្ឋាន និងសិប្បកម្មមានចំនួន ១.៣៣៩មូលដ្ឋាន (ទុនក្រោម ៣.០០០ដុល្លារ មានចំនួន ៩៧៩ មូលដ្ឋាន)៕

Related Topics:លោក អ៊ុន ចាន់ដា