អ្នកគាំទ្រ ៧ រូប ហ៊ានចាយប្រាក់ពាន់លានដុល្លារ វះកាត់ឲ្យដូចតារាខ្លួនស្រលាញ់

យើងទាំងអស់គ្នាមានហេតុផលផ្សេងៗគ្នាសម្រាប់ការស្រលាញ់តារាដែលខ្លួនពេញចិត្ត និងមានវិធីជាច្រើនទៀតក្នុងការបង្ហាញសេចក្តីស្រឡាញ់ និងការគាំទ្រចំពោះពួកគេ ខណៈពេលដែលអ្នកខ្លះ ពេញចិត្តនឹងការតាមដានតារាល្បីៗដែលពួកគេចូលចិត្តនៅលើវេទិកាប្រព័ន្ធផ្សព្វផ្សាយសង្គម ហើយចំណាយប្រាក់ពាន់លានដុល្លារលើការវះកាត់ដូចតារា ។

ខាងក្រោមនេះគឺជា៧ ករណីអ្នកគាំទ្រចំណាយប្រាក់ពាន់លានដុល្លារលើការវះកាត់ដូចតារាខ្លួនស្រលាញ់ ៖

១. តារាម៉ូដែល Pixee Fox

ម៉ូដែលនេះបានចំណាយប្រាក់ ១២០,០០០ ដុល្លារ លើការវះកាត់ចំនួន ១៥ ដង ដើម្បីឲ្យមើលទៅ ដូចតួតុក្កតា Jessica Rabbit នាងត្រូវកាត់ឆ្អឹងជំនីរចំនួន ៦ ដើម្បីមានចង្កេះ ១៤ អ៊ីញ និងតួលេខ ដែលស្រដៀងនឹងតួឯកតុក្កតាដែលនាងពេញចិត្ត។

២. Jordan James Parker

Jordan James Parker គឺជាអ្នកគាំទ្រ Kim Kardashian គាត់បាននិយាយថា “ខ្ញុំស្រលាញ់គ្រប់យ៉ាង អំពី Kim នាងគឺជានារីដ៏ស្រស់ស្អាតបំផុតដែលខ្ញុំស្គាល់។ ស្បែករបស់នាង សក់របស់នាងអ្វីៗគ្រប់ យ៉ាងរបស់នាងគឺល្អឥតខ្ចោះ”។ គាត់បានចំណាយប្រាក់ ១៥០,០០០ ដុល្លារកែសម្ផស្សជាង ៥០ដើម្បី ឲ្យដូច Kim Kardashian ។

៣. Rodrigo Alves

Alves បានចំណាយប្រាក់ជាង ៤៤៨ លានដុល្លារលើការវះកាត់កែសម្ផស្ស ក្នុងការប៉ុនប៉ងធ្វើឱ្យរាង កាយដូចជាតុក្កតា Ken ។ គាត់បានធ្វើការវះកាត់ច្រើនជាង ៥៧ ដង ប៉ុន្តែនៅតែសម្រេចចិត្តដកពាក្យសុំចុះបញ្ជីកំណត់ត្រា Guinness របស់មនុស្សដែលមានការវះកាត់ច្រើនជាងគេលើពិភពលោក។

៤. Jack Johnson

តាំងពីគាត់នៅវ័យជំទង់មក Johnson បានចាប់ផ្តើមផ្លាស់ប្តូររូបរាងរបស់គាត់ទៅជា David Beck ham។ គាត់បានចំណាយប្រាក់ ២០,០០០ ផោន(ប្រហែល ២៤០០០ ដុល្លារ ) លើការចាក់ Botox លាបពណ៌ស្បែក បំពេញបបូរមាត់ និងធ្មេញឲ្យដូច David Beckham។

៥.Toby Sheldon

Toby Sheldon បានចំណាយពេល ៥ ឆ្នាំជាមួយនឹងប្រាក់ ១០០,០០០ ផោន(ប្រហែល ១២ ម៉ឺនដុល្លារ) ដោយគាត់បានវះកាត់ជ ច្រើនដូចជាទាំងការ បំពេញមុខ កាត់បន្ថយចង្កា និងការវះកាត់ ត្របកភ្នែក ដើម្បីព្យាយាមមើលទៅដូច Justin Bieber។

៦. Herbert Chavez

លោក Chavez បានចំណាយពេលជាង ១៦ ឆ្នាំដើម្បីធ្វើការវះកាត់កែសម្ផស្ស ហើយការចំណាយសម្រាប់ការវះកាត់ទាំងនោះគឺប្រហែល ៤,៤០០ ផោន (ប្រហែល ៥.២៩០ ដុល្លារ)​គាត់បានធ្វើច្រមុះជាច្រើនដង ធ្វើឱ្យស្បែកស កែបបូរមាត់ និងកែថ្គាមឲ្យដូចជា superman ។

៧. Justin Jedlico

នេះក៏ជាករណីមួយទៀតរបស់ Ken doll idol បុរសម្នាក់នេះបានចំណាយប្រាក់ ១៥,០០០ ដុល្លារដើម្បីធ្វើឲ្យសក់ ក្រាស់ និងបណ្តុះរោមចិញ្ចើម ។ គាត់បានទទួលការងារ ធ្វើច្រមុះដំបូងរបស់គាត់ នៅពេលគាត់មានអាយុ ១៨ ឆ្នាំ ហើយបានធ្វើការវះកាត់កែសម្ផស្សច្រើនជាង ៦៣០ ចាប់តាំងពីពេលនោះមក។ ជាពិសេសគាត់ក៏បានចំណាយប្រាក់ ៦២៥,០០០ ដុល្លារលើផ្នែកផ្សេងទៀតដូចជា ច្រមុះ ថ្ពាល់និងរាង ៕

ប្រែសម្រួល៖នាងតូច

ចុចអាន៖Jungkook សម្រេចលុបគណនី IG ផ្ទាល់ខ្លួន ទោះមានអ្នកតាមដាន ៥០ លាននាក់ក៏ដោ