ត្រាំ សន្យាហាមនាំចូលទំនិញពី ចិន រយៈពេល ៤ ឆ្នាំ បើលោកជាប់ឆ្នោត

ក្នុងយុទ្ធនាការឃោសនាបោះឆ្នោតឆ្នាំ ២០២៤ លោក ដូណាល់ ត្រាំ​ បានសន្យាថា នឹងហាមឃាត់ទំនិញសំខាន់ៗរបស់ចិនចំនួន ៤ ឆ្នាំ មិនឲ្យនាំចូលមកអាមេរិកឡើយ ។

លោក ត្រាំ អះអាងថា ចក្ខុវិស័យរបស់លោក គឺផ្លាស់ប្តូរទ្រង់ទ្រាយធំនៃគោលនយោបាយពន្ធ និងពាណិជ្ជកម្មក្រោមការដឹកនាំរបស់លោក ចូ បៃដិន ដែលដាក់ទណ្ឌកម្មអ្នកផលិតក្នុងស្រុក ។

ទន្ទឹមនឹងនោះ លោក ត្រាំ និយាយថា នៅពេលដែលពន្ធលើអ្នកផលិតបរទេសកើនឡើង នោះពន្ធលើក្រុមហ៊ុនផលិតអាមេរិកនឹងធ្លាក់ចុះ ហើយការធ្លាក់ចុះនេះ​មាន​ន័យ​ថា អាមេរិក នឹងកាន់តែយ៉ាប់យ៉ឺន ។

មិនតែប៉ុណ្ណោះ លោក ដូណាល់ ត្រាំ ក៏សន្យានឹងអនុម័តច្បាប់ថ្មី ដើម្បីបញ្ឈប់ក្រុមហ៊ុនអាមេរិកពីការបង្ហូរការវិនិយោគទៅក្នុងប្រទេសចិន និងបញ្ឈប់ប្រទេសចិនពីការទិញទំនិញអាមេរិក រួមមានគ្រឿងអេឡិចត្រូនិច ដែក និងឱសថ ដោយអនុញ្ញាតឲ្យការវិនិយោគទាំងអស់នោះ បម្រើផលប្រយោជន៍របស់អាមេរិកតែមួយប៉ុណ្ណោះ ៕

ប្រែសម្រួលដោយ ៖ នាង រតនៈ

ប្រភព ៖ Sputnik

ចុចអាន ៖ វិមានក្រឹមឡាំង បញ្ជាក់ពីលោក Putin ឈរឈ្មោះបោះឆ្នោតប្រធានាធិបតី ឆ្នាំ ២០២៤ ឬអត់