វិមានក្រឹមឡាំង បញ្ជាក់ពីលោក Putin ឈរឈ្មោះបោះឆ្នោតប្រធានាធិបតី ឆ្នាំ ២០២៤ ឬអត់

អ្នកនាំពាក្យវិមានក្រឹមឡាំង លោក Dmitry Peskov បានប្រាប់សារព័ត៌មាន Izvestia ថា ប្រធានាធិបតីរុស្ស៊ី លោក Vladimir Putin មិនទាន់បាននិយាយនៅឡើយទេ តើលោកនឹងឈរឈ្មោះជាប្រធានាធិបតីនៅឆ្នាំ ២០២៤ ឬក៏យ៉ាងណានោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលអ្នកសារព័ត៌មានសួរថាតើលោក Putin បានសម្រេចចិត្តឈរឈ្មោះបោះឆ្នោតបន្តទៀតឬអត់, លោក Peskov បាននិយាយថា “វាលឿនពេកហើយក្នុងការពិភាក្សាអំពីលទ្ធភាពបែបនេះ ។ រហូតមកដល់ពេលនេះ យើងមិនទាន់ផ្ដោតលើយុទ្ធនាការបោះឆ្នោតនោះទេ ព្រោះលោក Putin មានការងារជាច្រើនដែលត្រូវធ្វើ” ។

អ្នកនាំពាក្យវិមានក្រឹមឡាំងរូបនេះបន្តទៀតថា យើងមិនទាន់បានឮការប្រកាសណាមួយពីលោក Putin ថាតើលោកនឹងឈរ ឬមិនឈរឈ្មោះជាប្រធានាធិបតីនៅឡើយទេ ដូច្នេះពេលនេះ យើងត្រូវតែអត់ធ្មត់សិន ។

លោក Peskov បានបញ្ជាក់ថា ទោះជាយ៉ាងណាក៏ដោយ ការសម្រេចចិត្តនឹងត្រូវបានធ្វើឡើងដើម្បីរៀបចំការបោះឆ្នោតជ្រើសរើសប្រធានាធិបតីនៅក្នុងខែកញ្ញា ដោយសារតែនៅពេលនេះរុស្ស៊ីកំពុងជាប់ដៃធ្វើប្រតិបត្តិការសឹកនៅអ៊ុយក្រែន ។

គួរបញ្ជាក់ថា ប្រតិបត្តិការសឹករបស់រុស្ស៊ីដែលលោក Putin ប្រកាសបើកការលុកលុយលើអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២ បានអូសបន្លាយពេល ១ ឆ្នាំហើយ ខណៈរហូតមកដល់ពេលនេះ ក៏មិនទាន់មានសញ្ញាថមថយនៅឡើយផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ ទីបំផុត រថក្រោះខ្លារខិន Leopard 2 ទៅដល់ដៃ អ៊ុយក្រែន ហើយ