ព័ត៌មានអន្ដរជាតិ

កូរ៉េខាងជើង អះអាងថា អាចបាញ់បង្ហោះផ្កាយរណបប្រភេទណាក៏បានចូលទៅក្នុងគន្លងតារាវិថី

បានផុស

៣ years មុន

នៅ

ថ្ងៃចន្ទ ៦ មីនា ២០២៣

ដោយ

លោក Pak Kyong Su អនុប្រធានរដ្ឋបាលអភិវឌ្ឍន៍លំហអាកាសជាតិកូរ៉េខាងជើង បាននិយាយថា ប្រទេសកូរ៉េខាងជើងមានសមត្ថភាពបាញ់បង្ហោះផ្កាយរណបប្រភេទណាក៏បានចូលទៅក្នុងគន្លងតារាវិថី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបទសម្ភាសន៍មួយជាមួយទីភ្នាក់ងារសារព័ត៌មានរដ្ឋកូរ៉េ KCNA នៅថ្ងៃចន្ទនេះ លោក Pak Kyong Su បានលើកឡើងថា ប្រទេសកូរ៉េខាងជើងមានការរីកចម្រើនជាលំដាប់ ក្នុងការអភិវឌ្ឍផ្កាយរណបដែលមានមុខងារច្រើន និងស្ដង់ដារខ្ពស់ ។

លោក Park បាននិយាយទៀតថា ប្រទេសនេះបានជោគជ័យក្នុងការអភិវឌ្ឍម៉ាស៊ីនដែលមានកម្លាំងខ្លាំង និងអាចផ្ទុកគ្រាប់រ៉ុកកែតបានផងដែរ ។ លោកបានបន្ថែមថា នេះជាការធានាមួយសម្រាប់កូរ៉េខាងជើងក្នុងការបាញ់បង្ហោះផ្កាយរណបផ្សេងៗទៅក្នុងគន្លងតារាវិថី ។

កន្លងមកកូរ៉េខាងជើងបានប្រកាសរួចហើយថា នឹងបញ្ចប់ការសាកល្បងដំណាក់កាលចុងក្រោយដ៏សំខាន់សម្រាប់ផ្កាយរណបចារកម្មយោធាដំបូងគេនៅខែមេសា ខណៈកាលពីខែមីនាឆ្នាំមុន មេដឹកនាំកូរ៉េខាងជើង លោក គីម ជុងអ៊ុន ក៏បានត្រួតពិនិត្យរដ្ឋបាលអភិវឌ្ឍន៍លំហអាកាសជាតិ និងបានបង្ហាញផែនការបាញ់បង្ហោះផ្កាយរណបចារកម្មបន្ថែមទៀតទៅក្នុងគន្លងតារាវិថីផងដែរ ។

ពាក់ព័ន្ធនឹងបញ្ហានេះដែរ សហគមន៍អន្តរជាតិនៅតែមានការប្រុងប្រយ័ត្ន ខណៈដែលទីក្រុងព្យុងយ៉ាងអាចនឹងបាញ់បង្ហោះកាំជ្រួចមីស៊ីលផ្លោងរយៈចម្ងាយឆ្ងាយជាបន្តបន្ទាប់ទៀតចេញពីទីតាំង Tongchang-ri នៅភាគពាយព្យប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កូរ៉េខាងជើង ទៅរក UN ឲ្យជួយបញ្ឈប់សមយុទ្ធយោធា អាមេរិក-កូរ៉េខាងត្បូង ជាបន្ទាន់

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា