អ្នកលេងអ៊ីនធឺណិតមិនពេញចិត្ត ពេលឃើញឈុតថើបគ្នារបស់ Song Hyekyo និង Song Joongki

អ្នកនិយមលេងអ៊ីនធឺណិតបង្ហាញការមិនសប្បាយចិត្តពេលឃើញឈុតថើបគ្នារបស់ Song Hyekyo និង Song Joongki ក្នុងការប្រគំតន្ត្រីគម្រប់ខួប ៥០ ឆ្នាំរបស់ស្ថានីយ៍ទូរទស្សន៍ KBS ខណៈគូនេះលែងលះគ្នារួចរាល់ហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៣ ខែ មីនា ស្ថានីយ៍ទូរទស្សន៍ KBS បានប្រារព្ធការប្រគំតន្ត្រីខួបលើកទី ៥០ ពិសេស ‘Your KBS, Our 50 Years’ ។ ការប្រគំតន្ត្រីនេះត្រូវបានផ្សាយផ្ទាល់ និងមានការសំដែងពីសិល្បករជាច្រើនរូប និងការសម្តែងជាច្រើនត្រូវបានរៀបចំឡើង ហើយតារាចម្រៀង Gummy បានបង្ហាញខ្លួននៅលើឆាកដើម្បីច្រៀងបទ OST “You Are My Everything” នៃភាពយន្តល្បីប្រចាំឆ្នាំ ២០១៦ “Descendants of the Sun” ។

ខណៈពេលដែលអ្វីគ្រប់យ៉ាងគឺល្អឥតខ្ចោះ អ្នកទស្សនាត្រូវបានគេភ្ញាក់ផ្អើលយ៉ាងខ្លាំងនៅអំឡុងពេលសម្តែងអេក្រង់បង្ហាញឈុតថើបរបស់តួសំខាន់ Song Hyekyo និង Song Joongki ពីរឿងភាគ។ ធ្វើឲ្យអ្នកនិយមលេងអ៊ីនធឺ ណិតមិនពេញចិត្តនិងប្រកែកថា មិនចាំបាច់បញ្ចូលឈុតថើបគ្នានោះទេ ដោយសារតែគូស្នេហ៍មួយគូនេះបានលែងលះគ្នាបន្ទាប់ពីរៀបការបានជិតពីរឆ្នាំ ។

ជាមួយគ្នានេះ មតិជាច្រើននៅលើបណ្តាញសង្គមលើកឡើងថា “តើវាពិតជាចាំបាច់មែនទេ?” “វាពិតជាឆ្គងណាស់ KBS មិនគួរបង្ហាញវាទេ” “មានឈុតឆាកជាច្រើនទៀតរបស់អ្នកទាំងពីរក្នុងរឿង ប៉ុន្តែហេតុអ្វីបានជាពួកគេជ្រើសរើសឈុត ថើប? ” ។

គួររំម្លឹកដែលថា កាលពីខែតុលា ឆ្នាំ ២០១៧ តារាសម្តែង Song Joong-ki បានរៀបការជាមួយតារា សម្តែង Song Hye-kyo ដែលអ្នកទាំងពីរមានទំនាក់ទំនងជាមួយគ្នាបន្ទាប់ពីសម្តែងរឿង ‘Descendants of the Sun’ ប៉ុន្តែបានលែងលះគ្នាដោយកិច្ចព្រមព្រៀងនៅខែ កក្កដា ឆ្នាំ ២០១៩ ៕

ប្រែសម្រួល៖នាងតូច

ចុចអាន៖Jennie លេងស្ទីលតុបតែងមុខនឹងបង់បិទរបួស ទាក់ទាញខ្លាំងនៅកម្មវិធី Paris Fashion Week