ជីវិតកម្សាន្ដ

Jennie លេងស្ទីលតុបតែងមុខនឹងបង់បិទរបួស ទាក់ទាញខ្លាំងនៅកម្មវិធី Paris Fashion Week

បានផុស

២ ខែ មុន

នៅ

ថ្ងៃព្រហស្បតិ៍ ៩ មីនា ២០២៣

ដោយ

ទោះមានរបួសនៅក្រោមភ្នែក ក៏នៅតែមិនកាត់បន្ថយភាពស្រស់ស្អាតរបស់ Jennie សមាជិក BLACKPINK នោះទេ ជាពិសេសមានការទាក់ទាញនៅស្ទីលតុបតែងមុខរបស់នាងជាមួយបង់បិទរបួសក្នុងកម្មវិធី Paris Fashion Week 2023 ដែលកំពុងល្បីខ្លាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបរាងចុងក្រោយរបស់ Jennie សមាជិក BLACKPINK ដែលបានចូលរួម Paris Fashion Week 2023 ក្នុងនាមជាទូសុឆន្ទៈរបស់ម៉ាកយីហោប្រណិត CHANEL ដើម្បីមើលកម្មវិធីបង្ហាញម៉ូដ Chanel Fall/Winter 2023 ប៉ុន្តែស្រស់ស្អាតរបស់នាងវិញ ទោះបីមានបង់បិទរបួសនៅផ្ទៃមុខក៏នៅតែធ្វើឲ្យអ្នកគាំទ្រភ្ញាក់ផ្អើលជុំវិញពិភពលោកជាស្ទីលតុបតែងមុខថ្មីរបស់នាង ។

ជាមួយគ្នានេះ Jennie បានបង្ហាញខ្លួនជាមួយនឹងឈុតសំលៀកបំពាក់នឹងខ្សែក្រវាត់ ចិញ្ចៀន និង កាបូបម៉ាក CHANEL សំលៀកបំពាក់សាមញ្ញនេះ ដែលមើលទៅល្អឥតខ្ចោះនិងរាងកាយរបស់នាង។ បន្ថែមពីលើការស្លៀកពាក់ស្ទីលតុបតែងមុខវិញ ដោយផ្ដោតលើការតុបតែងភ្នែកបែកលក្ខណៈ Cat eye មានភាពសិចស៊ី និងទាក់ទាញ ហើយមិនថា Jennie ស្ថិតក្នុងទម្រង់ណាទេ នាងនៅតែមានភាពស្រស់ស្អាត ។

យ៉ាងណាមិញ Jennie មិនដែលធ្វើឲ្យអ្នកគាំទ្រខកចិត្តឡើយជាមួយស្ទីលលេងខ្លួនរបស់នាង ជាពិសេសរួបថតរបស់នាងចូលរួមកម្មវិធីបង្ហាញម៉ូដរបស់ Chanel ត្រូវបានចែកចាយយ៉ាងឆាប់រហ័សនៅក្នុងសហគមន៍អនឡាញ និងប្រព័ន្ធផ្សព្វផ្សាយសង្គមផ្សេងៗផងដែរ ៕

ប្រែសម្រួល៖នាងតូច

ចុចអាន៖Jisoo បំបែកកំណត់ត្រាជាសមាជិក BLACKPINK លក់អាល់ប៊ុមទោលដាច់បំផុត