បាត់មុខយូរ តាមពិតតួស្រីក្នុងរឿង “2 Fast 2 Furious” មានកូន ៤ នាក់ហើយ

Devon Aoki ជាតារាម៉ូដែលជប៉ុន​អាល្លឺម៉ង់​និងអង់គ្លេស ដែលបានបន្សល់ទុកនូវស្នាដៃល្បីៗជាច្រើនដូចជា Dead or Alive, Sin City, War ប៉ុន្តែនាងត្រូវបានគេស្គាល់ច្បាស់​តាមរយៈតួនាទីនៅក្នុងរឿងហូលីវូដ​ 2 Fast 2 Furious កាលឆ្នាំ២០០៣។

បច្ចុប្បន្ន​នេះ Devon Aoki អាយុ ៣៧ ឆ្នាំ​គឺ​ជា​ម្ដាយ​ដែល​មាន​កូន ៤នាក់ ហើយបាន​ចូល​និវត្តន៍​ពី​ឧស្សាហកម្ម​នេះ​ដើម្បី​រស់នៅ​ក្នុង​ជីវិត​ឯកជន​ជាមួយ​គ្រួសារ​របស់​នាង។ ប៉ុន្តែ​ថ្មីៗ​នេះតារាម៉ូដែល Devon វិលត្រលប់​មក​ធ្វើការ​ម៉ូដ​ម្ដង​ទៀត​ក្នុង​នាម Face of Acne Studios SS2023 ស្របពេលដែលអ្នកគាំទ្រឃើញសម្រស់អ្នក​ម្ដាយកូន៤រូបនេះរួចហើយ លាន់មាត់សរសើរ​សម្រស់នាងនៅតែ​ស្រស់​ស្អាត ចំណែកឯមុខមាត់​របស់​នាង​មិន​ផ្លាស់ប្ដូរ​សូម្បី​តែ​បន្តិច​ណា​ឡើយ។

Devon Aoki បានរៀបការជាមួយលោក James Baily ហើយពួកគេមានកូនប្រុសម្នាក់និងកូនស្រី ៣នាក់។ នាងបានចូលនិវត្តន៍ពីខ្សែភាពយន្តក្នុងឆ្នាំ ២០០៩ ដើម្បីផ្តោតលើភាពជាម្តាយ ខណៈកូនស្រីរបស់នាងឈ្មោះ Alessandra បានបង្ហាញខ្លួននៅក្នុងយុទ្ធនាការផ្សព្វផ្សាយរបស់កុមារនៅនិទាឃរដូវរបស់កុមារ៕

ប្រែសម្រួល៖ សាង ស្រីល័ក្ខ

ចុចអាន៖BTS ទំនងជាមិនត្រលប់ជួបជុំក្រុមវិញទេ ក្រោយបញ្ចប់កាតព្វកិច្ចយោធានៅឆ្នាំ ២០២៥

ចុចអាន៖ឈុតកូនក្រមុំរបស់ Kimberley លនៅបារាំង សូម្បីតែមិត្តប្រុសមិនទាំងដឹងផង