ផលិតកម្ម HYBE បានបញ្ជាក់ថា BTS មិនទាន់បានបញ្ជាក់ពីការត្រលប់មកវិញរបស់ពួកគេទេ ដែលនេះធ្វើឲ្យអ្នកគាំទ្រសង្ស័យថាក្រុមចម្រៀង K-pop មិនអាចជួបជុំគ្នានៅឆ្នាំ ២០២៥ បន្ទាប់ពីសមាជិកទាំងអស់បានបញ្ចប់កាតព្វកិច្ចយោធា រៀងៗខ្លួន។

លោក Bang Si Hyuk ប្រធាន HYBE បានបង្ហាញខ្លួននៅក្នុងវេទិកា Gwanhun ដើម្បីពិភាក្សាអំពីផែនការរបស់ក្រុមហ៊ុនក្នុងការពង្រីក K-Pop ទូទាំងពិភពលោក។ នៅក្នុងនោះគាត់បានរៀបរាប់ពីគម្រោងរបស់ BTS បន្ទាប់ពីសមាជិកបានចុះឈ្មោះក្នុងជួរកងទ័ព ដោយខាងផលិតកម្មមិនទាន់កំណត់កាលបរិច្ឆេទសម្រាប់ការត្រលប់មកវិញរបស់ BTS ជាក្រុមនៅឡើយទេ។ ដូច្នេះហើយ លោកសុំឲ្យអ្នកគាំទ្រគោរពភាពឯកជនរបស់សមាជិកម្នាក់ៗ ជាពិសេសសមាជិកដែលកំពុងបំពេញកាតព្វកិច្ចយោធាគឺ Jin ។

បន្ទាប់ពី Jin សមាជិក ៦ នាក់ដែលនៅសេសសល់ក៏ត្រូវបានគេរំពឹងថានឹងចូលបម្រើកងទ័ពក្នុងពេលដ៏ខ្លីខាងមុខ ហើយអាចជួបជុំគ្នាវិញនៅឆ្នាំ ២០២៥។ ទោះជាយ៉ាងណាក៏ដោយ នេះគ្រាន់តែជាការប៉ាន់ស្មានប៉ុណ្ណោះ ព្រោះក្រុមហ៊ុនមិនទាន់បញ្ជាក់កាលវិភាគជាក់លាក់សម្រាប់ BTS នៅឡើយទេ ។

ជាពិសេសព័ត៌មានមួយទៀតដែលទាក់ទាញចំណាប់អារម្មណ៍អ្នកគាំទ្រ នោះគឺថាសមាជិក ទាំង ៧ នាក់មិនបានបន្តកុងត្រាជាមួយ HYBE ទេ។ ប្រធានផលិកម្ម HYBE បាននិយាយថា “យើងនឹងពិភាក្សាអំពីការបន្តកិច្ចសន្យាជាមួយសមាជិកនាពេលខាងមុខ។ យើងនឹងប្រកាសអំពីរឿងនេះ បន្ទាប់ពីការពិភាក្សាបានបញ្ចប់” ។

យ៉ាងណាមិញនៅពេលនេះសមាជិក Jin កំពុងបំពេញកាតព្វកិច្ចយោធារបស់លោក ទន្ទឹមនឹងនោះសមាជិកផ្សេងទៀតក៏កំពុងមមាញឹកនឹងកាលវិភាគទោល ហើយនឹងចូលបម្រើកងទ័ពឆាប់ៗនេះ ស្របតាមច្បាប់កូរ៉េ ៕

ប្រែសម្រួល៖នាងតូច

ចុចអាន៖Song Hye Kyo នាំមុខក្នុងបញ្ជីតារាស្រីកូរ៉េពេញនិយមបំផុត