សេដ្ឋកិច្ច
ចិន និងរុស្ស៊ី រំពឹងសម្រេចបានគោលដៅពាណិជ្ជកម្ម ២០០ ពាន់លានដុល្លារ មុនកាលកំណត់
ប្រទេសចិន និងរុស្ស៊ីរំពឹងថានឹងសម្រេចបាននូវគោលដៅពាណិជ្ជកម្មប្រចាំឆ្នាំចំនួន ២០០ ពាន់លានដុល្លារមុនកាលកំណត់ ខណៈដែលប្រទេសទាំងពីរកំពុងខិតខំបង្កើនកិច្ចសហប្រតិបត្តិការអាជីវកម្មលើវិស័យផ្សេងៗ ចាប់ពីពាណិជ្ជកម្មទំនិញរហូតដល់ការតភ្ជាប់ក្នុងតំបន់ ។
ក្នុងកិច្ចប្រជុំកាលពីពេលថ្មីៗនេះ លោក ស៊ី ជីនពីង និងលោក វ្ល៉ាឌីមៀរ ពូទីន បានចុះហត្ថលេខាលើសេចក្តីថ្លែងការណ៍រួមមួយស្តីពីផែនការសម្រាប់ការអភិវឌ្ឍវិស័យសំខាន់ៗនៃកិច្ចសហប្រតិបត្តិការសេដ្ឋកិច្ចចិន-រុស្ស៊ី រហូតដល់ឆ្នាំ ២០៣០ ។
ជាមួយគ្នានេះ លោក ស៊ី បាននិយាយថា ចិនត្រៀមខ្លួនរួចជាស្រេចក្នុងការពង្រីកកិច្ចសហប្រតិបត្តិការជាមួយរុស្ស៊ី ក្នុងវិស័យពាណិជ្ជកម្ម ការវិនិយោគ ខ្សែសង្វាក់ផ្គត់ផ្គង់ គម្រោងថាមពល និងវិស័យបច្ចេកវិទ្យាទំនើបៗជាច្រើនទៀត ។ ទន្ទឹមនោះ លោក ស៊ី ក៏បានអញ្ជើញលោក ពូទីន ធ្វើដំណើរទៅកាន់ចិនវិញផងដែរក្នុងវេទិកាខ្សែក្រវ៉ាត់ និងផ្លូវលើកទី ៣ សម្រាប់កិច្ចសហប្រតិបត្តិការអន្តរជាតិនៅឆ្នាំនេះ ។
ដោយឡែក នៅឆ្នាំ ២០២២ ពាណិជ្ជកម្មទ្វេភាគី ឈានដល់កម្រិតខ្ពស់បំផុតចំនួន ១៩០.២៧ ពាន់លានដុល្លារ ខណៈ ២ ខែដំបូងនៃឆ្នាំនេះ ពាណិជ្ជកម្មរវាងចិន និងរុស្ស៊ីបានកើនឡើង ៣៦.៤ ភាគរយ ពោលឈានដល់ ៣៣.៥៩ ពាន់លានដុល្លារ ។
បន្ថែមពីនេះ រុស្ស៊ី បានក្លាយជាអ្នកផ្គត់ផ្គង់ប្រេងកំពូលរបស់ចិនក្នុងខែមករា និងកុម្ភៈ ដោយផ្គត់ផ្គង់ប្រេងឆៅប្រហែល ១៥.៦៨ លានតោនទៅកាន់ចិន ។
កាលឆ្នាំ ២០១៩ ចិន និងរុស្ស៊ី បានរួមគ្នាកំណត់គោលដៅពាណិជ្ជកម្មទ្វេភាគី របស់ពួកគេឲ្យឈានដល់ ២០០ ពាន់លានដុល្លារត្រឹមឆ្នាំ ២០២៤ ខណៈអ្នកជំនាញជឿជាក់ថា ពាណិជ្ជកម្មទ្វេភាគីប្រទេសទាំងពីរនឹងកើនលើស ២០០ ពាន់លានទៅទៀត ៕
ប្រែសម្រួលដោយ ៖ នាង រតនៈ
ប្រភព ៖ Global Times
ចុចអាន ៖ ដឹងទេ លោក ស៊ី ជីនពីង ធ្វើទស្សនកិច្ចនៅ រុស្ស៊ី ប៉ុន្មានលើកហើយ ចាប់តាំង ពីក្លាយជាប្រធានាធិបតីចិន?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង