ព័ត៌មានអន្ដរជាតិ
ក្រោយឡើងតុលាការ លោក ត្រាំ វាយប្រហារចំៗ មិនសំចៃមាត់
កាលពីល្ងាចថ្ងៃអង្គារទី០៤ខែមេសា (ពេលវេលានៅអាមេរិក), អតីតប្រធានាធិបតី ដូណាល់ ត្រាំ បានប្រកាសថា ការចោទប្រកាន់បទព្រហ្មទណ្ឌប្រឆាំងនឹងរូបលោក គឺជារឿងខុសឆ្គង, ជាការជំរុញផ្នែកនយោបាយ និងជាការប្រមាថដល់ប្រទេស។
ទៅកាន់អ្នកគាំទ្រនៅឯអចលនទ្រព្យ Mar-a-Lago ត្រឹមតែប៉ុន្មានម៉ោងបន្ទាប់ពីការឡើងតុលាការក្នុងទីក្រុងញូវយ៉ក លោកត្រាំបានប្រកាសក្តែងៗថា “ឧក្រិដ្ឋកម្មតែមួយគត់ដែលខ្ញុំបានប្រព្រឹត្តគឺ ការពារជាតិពីអ្នកដែលព្យាយាមបំផ្លាញ ដោយគ្មានភាពភ័យខ្លាច”។
នេះគឺជាការលើកឡើង លើកដំបូងរបស់លោក ត្រាំ ចាប់តាំងពីព័ត៌មានលម្អិតនៃការចោទប្រកាន់ ត្រូវបង្ហាញកាលពីរសៀលថ្ងៃអង្គារក្នុងតំបន់ Manhattan។ អតីតប្រធានាធិបតីរូបនេះ បានបដិសេធទទួលទោសកំហុសចំពោះបទឧក្រិដ្ឋចំនួន ៣៤ករណី ពាក់ព័ន្ធកំណត់ត្រាអាជីវកម្មមិនពិតទាក់ទងនឹងការសូកប៉ាន់បំបិទមាត់តារាអាសអាភាសកាលពីឆ្នាំ២០១៦។
ក្រោយសវនាការ មនុស្សរាប់រយនាក់បានចូលរួមនៅឯអចលនទ្រព្យរបស់លោកត្រាំ ក្នុងរដ្ឋ Florida រួមទាំងតំណាងរាស្រ្តគណបក្សសាធារណរដ្ឋ រដ្ឋ Georgia លោកស្រី Taylor Greene, បេក្ខជនអភិបាលរដ្ឋ Arizona លោកស្រី Kari Lake និងកូនពីរនាក់របស់លោក ត្រាំ គឺ Eric និង Tiffany ផងដែរ។
ម្តងហើយម្តងទៀត លោកត្រាំ បានអះអាងពីភាពស្អាតស្អំ ហើយបដិសេធទំនាក់ទំនងស្នេហាជាមួយតារាអាសអាភាស Stormy Daniels ក៏ដូចជាទំនាក់ទំនងស្នេហាមួយផ្សេងទៀតជាមួយ Karen McDougal ដែលជាអតីតតារាម៉ូដែល Playboy។
យ៉ាងណាមិញ នៅលើបណ្តាញសច្ចធម៌សង្គម ដែលជាបណ្តាញផ្សព្វផ្សាយសង្គមរបស់លោកត្រាំ, អតីតប្រធានាធិបតី ក៏បានវាយប្រហារម្តងហើយម្តងទៀតទៅលើមេធាវីតំបន់ Manhattan លោក Alvin Bragg ដោយហៅរដ្ឋអាជ្ញាស្បែកខ្មៅរូបនេះថាជា “សត្វ” និងចាត់ទុកការចោទប្រកាន់ថាជា “ការធ្វើទុក្ខបុកម្នេញផ្នែកនយោបាយ” និង “ការជ្រៀតជ្រែកការបោះឆ្នោត”៕
ប្រែសម្រួល៖ Vann Vann
ប្រភព៖ Politico
ចុចអាន៖ លោក ត្រាំ មិនសារភាពទោសកំហុស លើការចោទប្រកាន់ព្រហ្មទណ្ឌ ៣៤ករណី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ