ព័ត៌មានអន្ដរជាតិ

ខេត្តភាគខាងជើង ថៃ ឲ្យបុគ្គលិកធ្វើការពីផ្ទះ ខណៈកំហាប់ខ្យល់ពុលកំពុងកើនឡើងខ្លាំង

បានផុស

៣ years មុន

នៅ

ថ្ងៃសុក្រ ៧ មេសា ២០២៣

ដោយ

លោក Nirat Pongsitthaworn អភិបាលខេត្តឈៀងម៉ៃ បានប្រកាសកាលពីថ្ងៃព្រហស្បតិ៍ ទី៦ ខែមេសា ដោយមានកិច្ចសហការពីវិស័យសាធារណៈ និងឯកជនឲ្យបុគ្គលិកធ្វើការពីផ្ទះ ដើម្បីកាត់បន្ថយផលប៉ះពាល់សុខភាពចំពេលមានកំហាប់ខ្យល់ពុល PM2.5 កើនឡើងខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលរូបនេះបានប្រកាសថា “សូមឲ្យភ្នាក់ងាររដ្ឋាភិបាលទាំងអស់រៀបចំការងារពីផ្ទះនៅក្នុងផ្នែកនៃបេសកកម្មដែលមិនប៉ះពាល់ដល់សេវាសាធារណៈ ដោយសុំការសហការសម្រាប់ក្រុមហ៊ុន ហាងទំនិញ គ្រឹះស្ថាន ពិចារណាអនុញ្ញាតឲ្យនិយោជិតធ្វើការពីផ្ទះ (Work from Home) ឬធ្វើការតាមរយៈប្រព័ន្ធផ្សព្វផ្សាយអេឡិចត្រូនិក។ នៅក្នុងផ្នែកដែលមិនប៉ះពាល់ដល់អាជីវកម្មរបស់ក្រុមហ៊ុន ហាង គ្រឹះស្ថាន ដើម្បីកាត់បន្ថយការចេញក្រៅផ្ទះ”។

ការប្រកាសបែបនេះ មានវិធានការផ្សេងទៀតផងដែរ ពោលគឺការណែនាំឲ្យពាក់ម៉ាសការពារកំហាប់ខ្យល់ពុល PM2.5 និងអ្នកដែលងាយរងគ្រោះ ដើម្បីកាត់បន្ថយ ឬបដិសេធមិនចេញទៅក្រៅ។ ចំពោះសំណើសុំកិច្ចសហប្រតិបត្តិការនេះគឺមានរយៈពេលមួយថ្ងៃប៉ុណ្ណោះ ពោលគឺថ្ងៃសុក្រ ៧ ខែមេសានេះ ហើយបញ្ជាក់ថា បើស្ថានភាពធូលីដីមិនទាន់ដោះស្រាយ នឹងចេញសេចក្តីប្រកាសបន្ថែមទៀត។

ទោះយ៉ាងណា ការបំពុលបរិយាកាសក្នុងខេត្តភាគខាងជើងជាច្រើនបានធ្លាក់ចុះអស់រយៈពេលជាច្រើនខែមកហើយ ខណៈកាលពីថ្ងៃកន្លង ស្ថានភាពបែរជាកាន់តែអាក្រក់ទៅៗទៅវិញ។ ជាមួយគ្នានោះដែរ សន្ទស្សន៍គុណភាពខ្យល់នៅមន្ទីរពេទ្យ Doi Saket ស្រុក Doi Saket ខេត្តឈៀងម៉ៃ គឺនៅកម្រិត ៤៥៧ ស្របពេលដែលនៅសហគមន៍ Muen San ឃុំ Haiya ស្រុក Muang Chiang Mai បានវាស់នៅកម្រិត ៣៥៤ ដោយត្រូវគេចាត់ទុកថាជាពុលខ្យល់ពុល៕

ប្រែសម្រួល៖ សាង ស្រីល័ក្ខ

ប្រភព៖ Sanook

ចុចអាន៖ទីក្រុងបាងកក កំពុងក្ដៅខ្លាំងបំផុត ខណៈសីតុណ្ហភាពឡើងដល់ ៥០ អង្សាសេ

Related Topics:ប្រទេសថៃ បម្រែបម្រួលអាកាសធាតុ ខ្យល់ពុល

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា