Lisa ថា នាងផ្លាស់ប្ដូរហើយ ក្រោយប្រឡូកក្នុងវិស័យ Kpop ជិត ៨ឆ្នាំ

ចាប់តាំងពីចូលខ្លួនប្រឡូកក្នុងវិស័យ K-pop មក តារារ៉េប Lalisa ទទួលបានប្រជាប្រិយភាពខ្លាំងក្លាពីទស្សនិកជនជុំវិញពិភពលោក។ ជិត ៨ឆ្នាំមកនេះ មិនត្រឹមតែឈ្នះពានរង្វាន់ក្នុងស្រុក និងអន្តរជាតិនោះទេ Lalisa ក៏ក្លាយជាតារា K-Pop ដែលមានអ្នកតាមដានច្រើនបំផុតនៅលើ Instagram ក៏ដូចជាទទួលបានកុងត្រាពីប្រេនធំជាច្រើនផងដែរ។

បើនិយាយពីប្រជាប្រិយភាព សមាជិក Blackpink រូបនេះ ​កាន់តែមានឈ្មោះល្បីល្បាញ ហើយបើនិយាយពីសម្រស់ នាងនៅតែក្មេងស្រស់ស្អាត ប៉ុន្តែទន្ទឹមគ្នានេះ សាមីខ្លួនផ្ទាល់បានផ្ដល់សម្ភាសន៍ថា នាងផ្លាស់ប្ដូរហើយរវាងឆ្នាំ២០១៦ និងឆ្នាំ២០២៣។

ផ្ដល់បទសម្ភាសន៍ជាមួយទស្សនាវដ្ដី Harper’s Bazaar Korea នាងថា បើប្រៀបធៀបគ្នា នាងពីមុននិងឥឡូវ ខុសគ្នាណាស់។ កាលពីឆ្នាំ២០១៦ នាង​ទើបតែមាន​អាយុ​ ១៩ឆ្នាំ​ប៉ុណ្ណោះ ខណៈឆ្នាំ២០២៣ Lisa អាយុ ២៦ឆ្នាំទៅហើយ។ អ្វីដែលគួរកត់សម្គាល់ Lisa បាននិយាយទាំងលេងសើចថា នាងកាន់តែចាស់ទុំ ចំណែកមុខមាត់វិញ គឺថ្ពាល់លែងសូវប៉ោងដូចមុន៕

ប្រែសម្រួល៖ សន្យា

ចុចអាន៖ ទស្សនាផ្នែកខាងក្នុងនៃយន្តហោះឯកជនរបស់ BLACKPINK ពេលធ្វើដំណើរទៅក្រៅប្រទេស

ចុចអាន៖ មិត្តជិតស្និទ្ធ Tangmo ចំណាយប្រាក់រាប់លាន វះកាត់មុខឱ្យដូចកំពូលតារាបង្ហាញ Gigi Hadid