ទស្សនាផ្នែកខាងក្នុងនៃយន្តហោះឯកជនរបស់ BLACKPINK ពេលធ្វើដំណើរទៅក្រៅប្រទេស

កាលពីថ្ងៃទី ១ ខែមិថុនា នៅលើគណនី Instagram ផ្លូវការរបស់ Korean Air ដែលក្រុមហ៊ុនអាកាសចរណ៍របស់ប្រទេសកូរ៉េ បានរូបភាពផ្នែកខាងក្នុងនៃយន្តហោះឯកជនរបស់ BLACKPINK ពេលធ្វើដំណើរទៅក្រៅប្រទេសម្តងៗ ។

រួមជាមួយនឹងរូបថតមួយសន្លឹកជាច្រើនសន្លឹកដែលត្រូវបានចែករំលែក ដោយបង្ហាញកាតដែលមានឈ្មោះសមាជិកក្រុម BLACKPINK រួមមាន​ Jisoo, Jennie, Lisa និង Rosé ដាក់នៅលើកៅអីនីមួយៗ ទាក់ទាញការចាប់អារម្មណ៍។ លើសពីនេះ ថង់ពណ៌លឿងដែលមានឆ្លាក់ឈ្មោះរបស់សមាជិកម្នាក់ៗ និងកាដូដ៏គួរឱ្យស្រឡាញ់ក៏ត្រូវបានដាក់នៅលើកៅអីនីមួយៗ បានបង្កើតបរិយាកាសកក់ក្តៅ។

ក្នុងនោះក៏មានរូបថតភ្ជាប់មកជាមួយផ្នែកផ្សេងៗទៀត ដែលបង្ហាញពីផ្នែកខាងក្នុងនៃយន្តហោះផ្តាច់មុខរបស់ BLACKPINK ដោយបង្ហាញពីកន្លែងធំទូលាយនិងមានផាសុកភាព ដែលផ្តល់នូវភាពប្រណីត។ ទន្ទឹមនឹងនេះ នៅលើគេហទំព័រ Korea Air Business Jet បានបង្ហាញនៅលក្ខណៈពិសេសជាច្រើនប្រភេទរបស់យន្តហោះឯកជនរបស់ក្រុមហ៊ុនអាកាសចរណ៍នេះផងដែរ ។

យ៉ាងណាមិញ កាលពីខែមីនា ក្រុមហ៊ុនអាកាសចរណ៍ Korean Air បានចុះហត្ថលេខាលើ MOU ជាមួយ YG Entertainment ដើម្បីបង្កើតភាពជាដៃគូយុទ្ធសាស្ត្រ ហើយបានក្លាយជាក្រុមហ៊ុនអាកាសចរណ៍ឧបត្ថម្ភផ្លូវការសម្រាប់ដំណើរទេសចរណ៍ពិភពលោករបស់ BLACKPINK ៕

ប្រែសម្រួល៖នាងតូច

ចុចអាន៖Taylor Swift ជាប់ចំណាត់ថ្នាក់លេខ ២ ក្នុងបញ្ជីឈ្មោះសិល្បករមានជាងគេបំផុតនៅអាមេរិក