Jay Park បង្ហើបគម្រោងត្រៀមចូលនិវត្តន៍អាជីពរបស់លោក

តារាចម្រៀងនិងរ៉េប Jay Park បានចូលរួមនៅក្នុងកម្មវិធី My Alcohol Diary និងទម្លាយអំពីអាល់ប៊ុមថ្មីគ្រោងនិងចេញ ក៏ដូចជាបទពិសោធន៍ការងាររបស់លោកក្នុងវិស័យសិល្បៈអស់រយៈពេល ១៣ ឆ្នាំក៏ដូចការត្រៀមចូលនិវត្តន៍អាជីពរបស់លោក ។

ថ្មីៗនេះ Jay Park បានក្លាយជាភ្ញៀវកិត្តិយសក្នុងកម្មវិធី My Alcohol Diary ដើម្បីចែករំលែកអំពីអាជីពរបស់លោកក៏ដូចជាជីវិតផ្ទាល់ខ្លួន ជាពិសេសតារាប្រុសរូបនេះធ្វើឲ្យមានការភ្ញាក់ផ្អើលនៅពេលដែលលោកបានរៀបរាប់ពីគម្រោងចូលនិវត្តន៍។ ក្នុងនោះ Jay Park បានរៀបរាប់ពីអាល់ប៊ុមថ្មីនេះ ហើយបានបង្ហើបថា អាល់ប៊ុមនេះពិតជាគ្រោងនឹងចេញនៅឆ្នាំ២០២២ ប៉ុន្តែត្រូវពន្យារ ពេលដោយសារការចូលរួមរបស់លោកក្នុងការថតបទ Show Me the Money ។

បន្ទាប់មកលោកបានប្រកាសថាអាល់ប៊ុមនេះនឹងត្រូវបានចេញផ្សាយនៅឆ្នាំនេះ បន្ទាប់ពីគាត់បានបញ្ចប់ការប្រគំតន្ត្រីទេសចរណ៍ចុងក្រោយរបស់ខ្លួន។ Jay Park សារភាពថាលោកបានគិតចង់ចូលនិវត្តន៍ត្រឹមតែ ៣៦ ឆ្នាំក៏ដោយ ក្រោមមូលហេតុលោកចង់ចូលនិវត្តន៍ នៅពេលដែលអ្នកគាំទ្រនៅតែស្រលាញ់ និងគាំទ្រលោកជាជាងទទួលការរិះគន់ និងសំណូមពរពីទស្សនិកជនឲ្យចូលនិវត្តន៍ ។

យ៉ាងណាមិញ ក្រៅពីអាជីពជាតារាចម្រៀងនិងរ៉េប Jay Park ក៏មានផលិតកម្មផ្ទាល់ខ្លួន ដោយមានសិល្បករទោល Jessi ថ្មីៗនេះបានចុះកិច្ចសន្យាផ្តាច់មុខជាមួយផលិតកម្មរបស់លោក។ នេះក៏អាចថាបានលោកនិវត្តន៍ពីអាជីពខ្លួន ដើម្បីទៅគ្រប់គ្រងផលិតកម្មផងដែរ ៕

ប្រែសម្រួល៖នាងតូច

ចុចអាន៖Song Hye Kyo ជាប់ចំណាត់ថ្នាក់កំពូល ជាតារាសម្ដែងស្រីជោគជ័យក្នុងអាជីព