ព័ត៌មានជាតិ
ទេសរដ្ឋមន្ត្រី លី ធុជ ៖ សម្តេចតេជោ បាននាំមកនូវជោគជ័យយ៉ាងធំធេងជាប្រវត្តិសាស្ត្រ សម្រាប់ប្រទេសជាតិ និងប្រជាជនកម្ពុជា រួមទាំងការងារបោសសម្អាតមីន
សៀមរាប ៖ សម្តេចតេជោ ហ៊ុន សែន នាយករដ្ឋមន្ត្រី បាននាំមកនូវជោគជ័យយ៉ាងធំធេងជាច្រើនជាប្រវត្តិសាស្ត្រ សម្រាប់ប្រទេសជាតិ និងប្រជាជនកម្ពុជា ក្នុងនោះរួមទាំងការងារបោសសម្អាតមីនរយៈពេលជាង ៣០ឆ្នាំនេះ។ បើគ្មានសម្តេចតេជោ ដឹកនាំប្រទេសកម្ពុជា ក៏គ្មានការងារបោសសម្អាតមីន ហើយប្រជាជនកម្ពុជានៅតែបន្តរងគ្រោះថ្នាក់ដោយសារគ្រាប់មីន និងសំណល់ជាតិផ្ទុះពីសង្គ្រាម។
នេះជាការលើកឡើងនាថ្ងៃទី១៣ ខែមិថុនា ឆ្នាំ២០២៣ របស់លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ក្នុងកិច្ចប្រជុំជាមួយយោធភូមិភាគទី៤ នៃបញ្ជាការដ្ឋានកងទ័ពជើងគោក ស្តីពីការងារបោសសម្អាតមីនទិសយោធភូមិភាគទី៤ ក្នុងភូមិសាស្ត្រខេត្តព្រះវិហារ និងខេត្តឧត្តរមានជ័យ។
កិច្ចប្រជុំនេះ មានការចូលរួមពី លោកឧត្តមសេនីយ៍ឯក ពៅ ហេង មេបញ្ជាការរងនិងជាមេបញ្ជាការយោធភូមិភាគទី៤នៃកងទ័ពជើងគោក, លោកឧត្តមសេនីយ៍ឯក អ៊ុច វ៉ាន់ថា មេបញ្ជាការរងនិងជាមេបញ្ជាការបញ្ជាការដ្ឋានវិស្វកម្មកងទ័ពជើងគោក ពលទាហាន នាយទាហាន នៃយោធភូមិភូមិទី៤។
ក្នុងឱកាសនោះផងដែរ លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានថ្លែងអំណរគុណ និងសម្តែងនូវការដឹងគុណយ៉ាងជ្រាលជ្រៅជូនចំពោះកងយោធពលខេមរភូមិន្ទ ដែលបានចូលរួមរំដោះប្រទេសជាតិចេញពីរបបប្រល័យពូជសាសន៍ ក្រោមការដឹកនាំដ៏ខ្ពង់ខ្ពស់របស់ សម្តេចតេជោ ហ៊ុន សែន នាយករដ្ឋមន្ត្រី។
លោក ទេសរដ្ឋមន្ត្រី បានវាយតម្លៃខ្ពស់ជូនកងយោធពលខេមរភូមិន្ទ ចំពោះការពលី និងលះបង់គ្រប់បែបយ៉ាងដើម្បីសន្តិភាព និងបុព្វហេតុជាតិមាតុភូមិ ក៏ដូចជាការចូលរួមជួយសង្គ្រោះអាយុជីវិតរបស់បងប្អូនប្រជាពលរដ្ឋតាមរយៈការបោសសម្អាតមីន និងសំណល់ជាតិផ្ទុះពីសង្គ្រាម ក្នុងកំឡុងពេលដែលប្រទេសជាតិទទួលបានសុខសន្តិភាពពេញលេញ។
លោកទេសរដ្ឋមន្ត្រី បានគូសបញ្ជាក់បន្ថែមថា បើគ្មានសន្តិភាពរបស់ សម្តេចតេជោ ហ៊ុន សែន ទេ ក៏គ្មានសមិទ្ធផលនៃការងារបោសសម្អាតមីនកើតឡើងបានដែរ ហើយការចូលរួមរបស់កងយោធពលខេមរភូមិន្ទ គឺចាំបាច់និងមិនអាចខ្វះបានឡើយ។
ជាមួយគ្នានោះ លោកទេសរដ្ឋមន្ត្រី បានលើកឡើងនូវសារៈសំខាន់ ២ចំណុចចាំចាច់ក្នុងការងារបោសសម្អាតមីននៅកម្ពុជា ទី១/. ការផ្តល់ដីសុវត្ថិភាព និងជួយសង្គ្រោះប្រជាជនកម្ពុជានៅគ្រប់ទិសទី ដែលជាបំណងប្រាថ្នាធំរបស់សម្តេចតេជោចង់ឃើញប្រជាជនកម្ពុជាទាំងទីក្រុង និងទីជនបទទាំងអស់ រួចផុតពីគំរាមកំហែងដោយសារគ្រាប់មីន និងទី២/. ឆ្លើយតបនឹងអនុសញ្ញាអូតាវ៉ាដែលកម្ពុជាជាសមាជិករដ្ឋភាគី ដោយត្រូវបំពេញកាតព្វកិច្ចបោសសម្អាតមីនឲ្យអស់ពីប្រទេសកម្ពុជា។
លោកទេសរដ្ឋមន្ត្រី បានបន្តទៀតថា ក្នុងការឆ្លើយតបនឹងចំណុចទាំងពីរ សម្តេចតេជោ ហ៊ុន សែន បានដាក់ចេញនូវចក្ខុវិស័យដឹកនាំប្រទេសកម្ពុជាយ៉ាងច្បាស់លាស់ក្នុងការបញ្ចប់ការគំរាមកំហែងដោយគ្រាប់មីនដែលបានដឹងឲ្យអស់ត្រឹមឆ្នាំ២០២៥ ដូចមានចែងក្នុងផែនការយុទ្ធសាស្ត្រសកម្មភាពមីន ២០១៨-២០២៥ ដែលក្នុងនោះការចូលរួមរបស់កងទ័ពជើងគោក គឺជាផ្នែកមួយយ៉ាងសំខាន់មិនអាចខ្វះបាន។
ក្នុងរបាយការណ៍របស់ លោកឧត្តមសេនីយ៍ឯក អ៊ុច វ៉ាន់ថា បានឲ្យដឹងថា ចាប់តាំងពីឆ្នាំ២០២២ កងទ័ពជើងគោក បានចូលរួមដល់ការងារបោសសម្អាតមីនមនុស្សធម៌ ដោយទទួលការគាំទ្របច្ចេកទេស និងធនធានពីអាជ្ញាធរមីន តាមរយៈគម្រោងសម្តេចតេជោសម្រាប់សកម្មភាពមីន និងមូលនិធិកម្ពុជាគ្មានមីនឆ្នាំ២០២៥។
បច្ចុប្បន្ននេះ កងទ័ពជើងគោក បាននឹងកំពុងពង្រាយកម្លាំងបោសសម្អាតមីនចំនួន ៣៥ កងរួចមកហើយ និងត្រៀមកម្លាំងរហូតដល់ ៤៥ ដើម្បីចូលរួមបោសសម្អាតមីនមនុស្សធម៌នេះ។ ឆ្នាំ២០២៣ កងទ័ពជើងគោក បានទទួលផែនការបោសសម្អាតមីនពីអាជ្ញាធរមីនចំនួនជាង ៤៦ គីឡូម៉ែត្រក្រឡាក្នុងខេត្តបន្ទាយមានជ័យ និងខេត្តឧត្តរមានជ័យ សម្រេចបាន ៩០%នៃផែនការ ហើយគ្រោងនឹងបញ្ចប់ក្នុងខែកក្កដា ឆ្នាំ២០២៣ ខាងមុខនេះ។
ក្នុងឱកាសនោះ លោកឧត្តមសេនីយ៍ឯក អ៊ុច វ៉ាន់ថា ក្នុងនាមមេបញ្ជាការកងទ័ពជើងគោក សូមថ្លែងអំណរគុណយ៉ាងជ្រាលជ្រៅជូនចំពោះអាជ្ញាធរមីន ដែលតែងតែផ្តល់ការគាំទ្រទាំងធនធាន សម្ភារៈ និងបច្ចេកទេសដល់កងទ័ពជើងគោក ក្នុងកិច្ចការបោសសម្អាតមីននៅកម្ពុជា៕
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១៤ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន