រុស្ស៊ី ថា បាតុករនៅ បារាំង យកអាវុធលោកខាងលិចដែលផ្ដល់ឲ្យ អ៊ុយក្រែន ប្រើប្រឆាំងប៉ូលិស

អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយកាលពីថ្ងៃព្រហស្បតិ៍ថា អាវុធដែលផ្គត់ផ្គង់ដោយប្រទេសលោកខាងលិចផ្ដល់ទៅឲ្យអ៊ុយក្រែន កំពុងត្រូវបានប្រើប្រាស់ពីសំណាក់ក្រុមបាតុករនៅក្នុងប្រទេសបារាំង ។

លោកស្រី Zakharova បានប្រាប់អ្នកយកព័ត៌មានថា “អាវុធដែលត្រូវបានប្រគល់ទៅឲ្យទីក្រុងកៀវ ដោយប្រទេសលោកខាងលិច អង្គការណាតូ និងបារាំង បានធ្លាក់ទៅដល់កណ្ដាប់ដៃក្រុមបាតុករ ហើយត្រូវបានប្រើប្រាស់ប្រឆាំងនឹងប៉ូលិសនៅក្នុងប្រទេសបារាំង” ។

លោកស្រីបានសង្កត់ធ្ងន់ថា អាវុធដែលបានផ្តល់ទៅឲ្យអ្នកជាតិនិយមណាស៊ី និងពួកហ្វាស៊ីសនៅលើទឹកដីអ៊ុយក្រែន មិនត្រឹមតែបញ្ចប់នៅក្នុងប្រទេសលោកខាងលិចប៉ុណ្ណោះទេ ប៉ុន្តែក៏ត្រូវបានប្រើប្រាស់ប្រឆាំងនឹងប្រជាជនរបស់ពួកគេផងដែរ” ។

គួរបញ្ជាក់ថា ប្រទេសបារាំងបានទទួលរងនូវភាពចលាចល ចាប់តាំងពីថ្ងៃទី២៧ ខែមិថុនា នៅពេលដែលយុវជនឈ្មោះ Nahel វ័យ ១៧ ឆ្នាំត្រូវប៉ូលិសបាញ់សម្លាប់ បន្ទាប់ពីមិនគោរពច្បាប់ចរាចរណ៍នៅទីក្រុង Nanterre ជាយក្រុងប៉ារីស ខណៈមន្ត្រីប៉ូលិសដែលប្រព្រឹត្តទង្វើរនេះក៏ត្រូវបានចាប់ខ្លួនផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក Macron អាចនឹងបញ្ជាឲ្យបិទ TikTok, Snapchat និង Twitter បើកុបកម្មនៅ បារាំង កាន់តែអាក្រក់ទៅៗ