កីឡា
សិង្ហបុរីដាក់ផែនការយុទ្ធសាស្ត្រ១០ចំណុច អភិវឌ្ឍបាល់ទាត់ ក្រោយមិនជោគជ័យនៅស៊ីហ្គេម
សមាគមកីឡាបាល់ទាត់ប្រទេសសិង្ហបុរី បានប្រកាសពីផែនការយុទ្ធសាស្ត្រ១០ចំណុច ដើម្បីកែលំអក្រុមបាល់ទាត់អាយុក្រោម ២២/២៣ឆ្នាំ របស់ខ្លួន បន្ទាប់ពីបានត្រួតពិនិត្យពីការចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា ដោយមិនទទួលបានលទ្ធផលល្អប្រសើរ។
ខាងក្រោមជាផែនការយុទ្ធសាស្ត្រ ១០ចំណុច ដែលបានដាក់ចេញសម្រាប់ត្រៀមកីឡាស៊ីហ្គេមនាពេលខាងមុខទៀត។
១. ក្រុមបាល់ទាត់អាយុក្រោម២២/២៣ឆ្នាំ ត្រូវដាក់ឲ្យស្ថិតក្រោមក្រុមបាល់ទាត់ជម្រើសជាតិសិង្ហបុរីឈុតធំ ដែលដឹកនាំដោយគ្រូបង្គោលជម្រើសជាតិ។
២. កីឡាស៊ីហ្គេមត្រូវចាត់ទុកជាគម្រោង២ឆ្នាំម្តង ដែលអនុញ្ញាតឲ្យមានការអភិវឌ្ឍរយៈពេលយូរអង្វែង។
៣. បង្កើតផែនការអភិវឌ្ឍកីឡាករឯកត្តជន (ម្នាក់ៗ)។
៤. ក្រុម U22/23 ត្រូវផ្តល់អាទិភាពសម្រាប់ព្រឹត្តិការណ៍ប្រកួត២សំខាន់គឺ ការប្រកួតកីឡាស៊ីហ្គេម និងការប្រកួតជើងឯកយុវជនអាស៊ីអាយុក្រោម២៣ឆ្នាំ (AFC U23)។
៥. ត្រួតពិនិត្យឡើងវិញនូវច្បាប់ការប្រកួតលីគកំពូលសិង្ហបុរី ដើម្បីបង្កើតចំនួនពេលវេលាឲ្យកីឡាករអាយុក្រោម២២/២៣ឆ្នាំលេងនៅលើទីលានបានច្រើន។
៦. អនុវត្តនិតីវិធីប្រតិបត្តិស្តង់ដា (SOP) សម្រាប់ព្រឹត្តិការណ៍ប្រកួតអាទិភាពរបស់ក្រុម U22/23 ដែលមានពហុការប្រកួត។
៧. ការរួមបញ្ចូលគ្នារវាងធាតុផ្សំនៃការកសាងចិត្តសាស្ត្រ ស្មារតី និងរៀបចំបុរេសកម្មភាពចាំបាច់មុនព្រឹត្តិការណ៍ប្រកួតផ្លូវការ។
៨. រៀបចំផែនការរបបអាហារឲ្យមានប្រសិទ្ធភាពទាំងការគ្រប់គ្រងលើរបបអាហារ និងបង្កើនអាហារូបត្ថម្ភឲ្យឲ្យស្របតាមស្តង់ដា។
៩. បង្កើតក្រុមវិភាគស៊ីជម្រៅនៅកម្រិតជម្រើសជាតិដើម្បីធ្វើការវិភាគលើដៃគូមុនការប្រកួត វិភាគអំឡុងពេលប្រកួត និងវិភាគក្រោយពេលប្រកួតដើម្បីស្វែងរកចំណុចល្អ អាក្រក់សម្រាប់ធ្វើការកែលំអ។
១០. ការផ្ទៀងផ្ទាត់ផ្នែកវេជ្ជសាស្ត្រឲ្យបានច្បាស់លាស់ចំពោះកីឡាករដែលមានរបួសស្នាម៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ