រុស្ស៊ី ប្រកាសថា គោលបំណងរបស់ខ្លួននៅអ៊ុយក្រែន មិនអាច ចរចាបានឡើយ

រដ្ឋមន្ត្រីការបរទេសរុស្ស៊ីលោក Sergey Lavrov បានពន្យល់កាលពីថ្ងៃពុធទី១៩ខែកក្កដា នៅក្នុងកិច្ចប្រជុំប្រចាំឆ្នាំជាមួយអង្គការក្រៅរដ្ឋាភិបាល និងអង្គការមិនរកប្រាក់ចំណេញថា គោលបំណងរបស់រុស្ស៊ីនៅអ៊ុយក្រែន គឺមិនអាចចរចាបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Lavrov និយាយថា “យើងមិនអាចនិងគ្មានថ្ងៃ បោះបង់គោលដៅដែលត្រូវបានប្រកាសថាជាផ្នែកនៃប្រតិបត្តិការយោធាពិសេសនោះទេ។ ទីក្រុងមូស្គូ បានព្រមានជាច្រើនឆ្នាំមកហើយ ប្រឆាំងនឹងការយកអ៊ុយក្រែន ធ្វើជាការគំរាមកំហែងផ្នែកយោធាដោយផ្ទាល់នៅ មាត់ទ្វាររបស់រុស្ស៊ី។ គេក៏មានផែនការបង្កើតមូលដ្ឋានយោធានៅលើសមុទ្រ Azov និងនៅ Crimea ផងដែរ”។

លោក Lavrov បន្ថែមថា លោកខាងលិចអាចចំណាយពេលជាច្រើនថ្ងៃដើម្បីពិភាក្សាអំពីប្រសិទ្ធភាពនៃការវាយលុករបស់អ៊ុយក្រែន និងរបៀបដែលរុស្ស៊ីកំពុងរារាំង។

ស្របពេលជាមួយគ្នានោះ អ្នកការទូតកំពូលរុស្ស៊ីរូបនេះ បានចង្អុលបង្ហាញថា គ្មានលទ្ធិប្រជាធិបតេយ្យនៅក្នុងអង្គការណាតូទេ មានតែសម្ពាធដោយលាក់គំនួចប៉ុណ្ណោះ។ ដូចគ្នាដែរ សហភាពអឺរ៉ុប បានបោះបង់ចោលការបញ្ចេញយោបល់ និងព្យាយាមបង្ខិតបង្ខំសមាជិកនានាដូចជាហុងគ្រី និងប៉ូឡូញ ដែលបានជំទាស់នឹងការជាន់ឈ្លីតម្លៃនិងប្រពៃណីជាតិ។

គួរបញ្ជាក់ជាថ្មី កាលពីថ្ងៃទី២៤ខែកុម្ភៈ ឆ្នាំ២០២២ រុស្ស៊ី បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដោយអះអាងពីគោលបំណងរំដោះតំបន់ Donbass ដែលរងការវាយប្រហារជាប្រចាំពីកងកម្លាំងរបស់ទីក្រុងកៀវ៕

ប្រែសម្រួល៖ Vann Vann

ប្រភព៖ RT

ចុចអាន៖ អង់គ្លេស ចេញការប៉ាន់ស្មាន អំពីតួលេខទាហានរុស្ស៊ី ស្លាប់និងរបួស នៅអ៊ុយក្រែន