កីឡា
សារ៉េត គ្រីយ៉ា៖«បើកឆាកលីគប៉ះក្រុមទ័ពគឺតានតឹង និងសំខាន់បំផុត»
ខ្សែការពារ សារ៉េត គ្រីយ៉ា ចាត់ទុកការប្រកួតបើកឆាកខេមបូឌានព្រីមៀរលីគរដូវកាល២០២៣-២៥ របស់ព្រះខ័នរាជស្វាយរៀង ទល់នឹងក្រុមក្រសួងការពារជាតិ នៅថ្ងៃអាទិត្យ ទី៦ ខែសីហាគឺជាជំនួបដ៏សំខាន់ និងតានតឹងខ្លាំង។
ការប្រកួតបើកឆាកនៃលីគបាល់ទាត់កំពូលកម្ពុជាពិតជាសំខាន់ណាស់សម្រាប់ក្លិបនីមួយៗដើម្បីជាកម្លាំងចិត្តដ៏ចាំបាច់ទាំងស្មារតី បច្ចេកទេស និងពិន្ទុ ដូច្នេះក្លិបនីមួយៗពិតជាយកចិត្តទុកដាក់ខ្លាំង។
ខ្សែការពារដ៏សំខាន់របស់ព្រះខ័នរាជស្វាយរៀង សារ៉េត គ្រីយ៉ា បានប្រាប់«កម្ពុជាថ្មី»ថា ៖«ការប្រកួតបើកឆាកជាមួយក្រសួងការពារជាតិគឺជាជំនួបមួយដែលតានតឹង។ ក្រុមក្រសួងការពារជាតិតាមអ្វីដែលខ្ញុំបានកត់សំគាល់ពួកគេក្នុងការប្រកួតលីគខាប់កន្លងមកគឺ ពួកគាត់លេងជាក្រុមបានល្អ»។
«ពួកគាត់មានកីឡាករវ័យក្មេងល្អៗ គួបផ្សំនឹងកីឡាករបរទេសថ្មីៗមានបទពិសោធលេងនៅក្រៅស្រុកច្រើន។ អ្វីដែលសំខាន់ពួកគាត់មានគ្រូបង្វឹកថ្មីដែលជាគ្រូបង្វឹកដ៏ល្អម្នាក់»។ គ្រីយ៉ា បានបន្ថែម។
ពិតណាស់ ក្រុមក្រួសារការពារជាតិមានការផ្លាស់ប្តូរគួរឲ្យសំគាល់សម្រាប់រដូវកាលថ្មីនេះ បើប្រៀបធៀបនឹងរដូវកាលមុន។ ពួកគេទើបតែបានតែងតាំងលោក ភា សុភ័ក្ត្រា ជាគ្រូបង្វឹកថ្មី និងជាការតែងតាំងគ្រូបង្វឹកដដែលជាលើកទី២។ គ្រូបង្វឹករូបនេះស្គាល់ច្បាស់ពីកីឡាករកម្ពុជា ពីព្រោះធ្លាប់ដឹកនាំយុវជនជម្រើសជាតិកម្ពុជា និងក្រុមជម្រើសជាតិកម្ពុជាឈុតធំ។
ជាមួយគ្នានេះក៏ទើបតែបានប្រកាសនាំចូលខ្សែការពារសញ្ជាតិថៃ Srayut Sompim ខណៈកីឡាករបរទេស៥នាក់ផ្សេងទៀតមានដូចជា ខ្សែប្រយុទ្ធជប៉ុន Tetsuaki Misawa, ខ្សែប្រយុទ្ធជប៉ុន Shori Murata, ខ្សែប្រយុទ្ធប្រេស៊ីល Lucas Massar, ខ្សែបម្រើប្រេស៊ីល Caio Dos Santos, និងខ្សែប្រយុទ្ធជប៉ុន Toshiya Takagi។
ជំនួបរវាងក្រសួងការពារជាតិ និងព្រះខ័នរាជស្វាយរៀង នឹងធ្វើវេលាម៉ោង៦ល្ងាច ថ្ងៃអាទិត្យ ទី៦ ខែសីហា នៅស្តាតចាស់។
នេះជាលើកដំបូងហើយដែលខេមបូឌានព្រីមៀរលីគបានចាប់ផ្តើមនៅដើមខែសីហា ឆ្នាំ២០២៣ និងបញ្ចប់នៅខែឧសភា ឆ្នាំ២០២៤ ដែលជាការប្រកួតឆ្លងឆ្នាំដូចទៅនឹងលីគកំពូលរបស់ប្រទេសផ្សេងៗដែរ។ ជាមួយគ្នានេះ ក្លិបមាន១០ចូលរួមប្រកួតប្រជែង និងមានកូតាកីឡាករអាស៊ាន១រូបក្នុងចំណោមកីឡាករបរទេស៦រូប៕
អត្ថបទ៖ វីរបុត្រ
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ