ទស្សនិកជនចោទថា Prang ជាជនទី៣ ធ្វើឱ្យគូស្នេហ៍ Jes និង Vill ប្រេះឆា

បន្ទាប់ពីសម្ដែងរួមគ្នាក្នុងខ្សែភាពយន្តរឿង “Bunga Saree” តារាសម្ដែង Prang Kannarun ត្រូវបានគេចោទប្រកាន់ថា នាងជាដើមហេតុនាំឱ្យទំនាក់ទំនងស្នេហារវាងតារាប្រុស Jespipat Tilapornputt និងតារាស្រី ​Vill ប្រេះឆានឹងគ្នា។

គូស្នេហ៍ Jes និង Vill ធ្លាប់ផ្ទុះព័ត៌មានបែកគ្នាពីរបីដងមកហើយ ខណៈលើកចុងក្រោយនេះ ​ត្រូវគេសង្ស័យថា មកពី Prang ក្លាយជាជនទី៣ ព្រោះតាំងពីចាប់ដៃសម្ដែងជាមួយគ្នាមក Jes ហាក់ប្រែប្រួលប្លែក បូករួមទាំងសារបង្ហោះក្រៀមក្រំនៅលើបណ្ដាញសង្គមរវាងគូស្នេហ៍ទាំងពីរផងនោះ គេរឹតតែយល់ថា Prang ជាដើមចមនៃរឿងទាំងអស់។

ចំពោះការចោទប្រកាន់ និងក្ដីសង្ស័យរបស់ទស្សនិក Prang មិនបានឆ្លើយតបអ្វីនោះទេ ប៉ុន្តែថ្មីៗនេះនាងបានអាប់ដេតព័ត៌មានផ្ទាល់ខ្លួននៅលើបណ្ដាញ IG ដោយ​បង្ហោះ​រូបភាព​ក្នុង​ពេល​វិស្សមកាល​ជាមួយ​គ្រួសារ និងសរសេរ hashtags ​ថា “ណាត់ជាមួយខ្លួនឯង” ។ ទោះបីជាឃ្លានេះហាក់ខ្លីកំប៉ិត ប៉ុន្តែទស្សនិកជនដែលធ្លាប់សង្ស័យលើនាងហាក់បានយល់អត្ថន័យច្បាស់ហើយថា Prang មិនពាក់ព័ន្ធបំបែកស្នេហ៍នរណានោះទេ៕

ប្រែសម្រួល៖ សន្យា

ចុចអាន៖ ​ពីមុនមិនហ៊ានបង្ហាញទំនាក់ទំនងគូជាសាធារណៈ តាមពិតមកពី ​James Jirayu ខ្លាចចិត្តអ្នកគាំទ្រ