ព័ត៌មានជាតិ
មន្ត្រីរដ្ឋបាលខេត្តកោះកុង បំផុសស្មារតីដល់មន្ត្រីពាក់ព័ន្ធ ធ្វើទំនើបកម្មប្រព័ន្ធព័ត៌មានវិទ្យា
នាយករងរដ្ឋបាលខេត្តកោះកុង នៅថ្ងៃទី ២៩ ខែសីហា ឆ្នាំ ២០២៣ នេះ បានបំផុសស្មារតីដល់មន្ត្រីរាជការតាមមន្ទីរ អង្គភាព ពាក់ព័ន្ធជុំវិញខេត្ត គប្បីធ្វើទំនើបកម្មប្រព័ន្ធព័ត៌មានវិទ្យាឲ្យបានច្រើន និងទូលំទូលាយ។
លោក អ៊ុក សុតា នាយករងរដ្ឋបាលខេត្ត និងជាប្រធានក្រុមមន្ត្រីបង្គោលព័ត៌មានវិទ្យាខេត្តកោះកុង បានបង្ហាញថា បច្ចុប្បន្នជាយុគសម័យទំនើបកម្ម នៃប្រព័ន្ធព័ត៌មានវិទ្យា និងបណ្ដាញសង្គម ពិតជាបានរួមចំណែកយ៉ាងសំខាន់បំផុតក្នុងការផ្សព្វផ្សាយ និងចែករំលែកនូវព័ត៌មានបានលឿនទាន់ចិត្ត ពិសេសបណ្ដាញសង្គមហ្វេសប៊ុក និងតេលេក្រាម ។ល។ ដែលជាទីពេញនិយមខ្លាំងរបស់មនុស្សគ្រប់វ័យ និងមន្ត្រីរាជការគ្រប់ឋានៈ។
ក្នុងពិធីបើកវគ្គស្ដីពីការជំរុញ និងគាំទ្របច្ចេកទេស ក្នុងការប្រើប្រាស់ប្រព័ន្ធព័ត៌មានវិទ្យា នៅមន្ទីរ អង្គភាព ទីចាត់ការ ជុំវិញខេត្ត លោក អ៊ុក សុតា ក៏ស្នើដល់គ្រប់មន្ត្រីបង្គោលព័ត៌មានវិទ្យាតាមមន្ទីរអង្គភាពពាក់ព័ន្ធជុំវិញខេត្ត ចាំបាច់ចូលរួមពង្រឹងការចូលរួមអភិវឌ្ឍន៍គេហទំព័រ ហ្វេកប៊ុកផេករដ្ឋបាលខេត្ត ហ្វេសប៊ុកផេកលោកជំទាវអភិបាលខេត្ត ផេក ឬ គណនីរបស់មន្ទីរ អង្គភាពនានា ឲ្យបានកាន់តែទូលំទូលាយ និងមានប្រសិទ្ធភាព ទទួលបានលទ្ធផលល្អប្រសើរ សូមឲ្យមានការចូលរួមបន្ថែមពីគ្រប់អ្នកពាក់ព័ន្ធទាំងអស់ ពិសេសមន្ត្រីទទួលបន្ទុកព័ត៌មានវិទ្យា នៃមន្ទីរអង្គភាពនីមួយៗ។
លោកនាយករងរដ្ឋបាលខេត្តកោះកុង បានពន្យល់ដល់លោក លោកស្រីថ្នាក់ដឹកនាំ និងមន្ត្រីជំនាញទទួលបន្ទុកតែម្ដង ដែលតែងតែបានបញ្ជូនព័ត៌មាន ឲ្យក្រុមការងារខេត្ត ក៏ដូចជាបង្ហោះនៅក្នុង ផេក ឬ គណនីមន្ទីរ បានទាន់ពេលវេលា ដើម្បីផ្សព្វផ្សាយបន្តជូនសាធារណជន បានដឹង និងជ្រាបអំពីសកម្មភាពនានារបស់ថ្នាក់ដឹកនាំ និងព្រឹត្តិការណ៍សំខាន់ដែលត្រូវបានរៀបចំឡើងក្នុងមន្ទីរ អង្គភាព និងនៅមូលដ្ឋានក្រុង-ស្រុក។
គួរកត់សម្គាល់ដែរថា ដោយតម្រូវការចាំបាច់របស់រដ្ឋបាលថ្នាក់ក្រោមជាតិ លោកស្រី មិថុនា ភូថង អភិបាល នៃគណៈអភិបាលខេត្តកោះកុង បានផ្ដួចផ្ដើមឧត្ដមគំនិត បង្កើតឲ្យមានក្រុមការងារមន្ត្រីបង្គោលព័ត៌មានវិទ្យា នៃរដ្ឋបាលខេត្ត និងរៀបចំផែនការចុះបណ្ដុះបណ្ដាលបន្តដល់ថ្នាក់ក្រុង ស្រុក ឃុំ សង្កាត់ និងមន្ទីរអង្គភាពជំនាញក្នុងខេត្តតាំងពីឆ្នាំ ២០១៩ មកម្ល៉េះ៕
អត្ថបទ ៖ សិរីវឌ្ឍនៈ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ