ទើបតែដឹង តាមពិត Mai Davika ព្រាត់ប្រាស់ឪពុកអស់ ២២ឆ្នាំហើយ

ប្រិយមិត្តធ្លាប់តែទស្សនាខ្សែភាពយន្ត និងបានឃើញជីវិតរីករាយនៅលើបណ្ដាញសង្គមរបស់តារាស្រី ម៉ៃ ដាវីកា (Mai Davika Hoorne) ប៉ុន្តែគ្រប់គ្នាទំនងមិនទាន់ដឹងទេថា តាមពិតតារាស្រីវ័យ ៣២ឆ្នាំរូបនេះ ត្រូវព្រាត់ប្រាស់ឪពុក តាំងពីនាងអាយុ ១០ឆ្នាំមកម្ល៉េះ។

រៀបរាប់នៅក្នុងបទសម្ភាសន៍ជាមួយ​កម្មវិធី WOODY FM តារាស្រី ម៉ៃ ដាវីកា បានប្រាប់ប្រិយមិត្តថា តាំងពីនាងអាយុ ១០ឆ្នាំមក នាងរស់នៅតែជាមួយម្ដាយ និងម្ដាយមីងប៉ុណ្ណោះ ព្រោះឪពុក​ម្តាយរបស់នាងបានលែងលះគ្នា។ តាំងពីពួកគាត់លែងលះ ម្ដាយរបស់នាងត្រូវធ្វើការគ្រប់យ៉ាងដើម្បីចិញ្ចឹមនាង ហើយរាល់យប់នាងតែងតែគេងជាមួយម្ដាយមីង។

ទោះយ៉ាងណា ការលែងលះរវាងម្ដាយឪពុករបស់ ម៉ៃ មិនបានកាត់ផ្ដាច់ទំនាក់ទំនងរវាងនាងនិងឪពុកទាំងស្រុងឡើយ ព្រោះរាល់កម្មវិធីពិសេសៗរបស់នាង ឪពុកម្ដាយរបស់នាងតែងតែបង្ហាញខ្លួនដើម្បីអបអរសាទរជានិច្ច៕

ប្រែសម្រួល៖ សន្យា

ចុចអាន៖ គ្រាន់តែ​ Mai Davika បង្ហោះរូបលើ IG ម្ដង អាចរកប្រាក់បានជិត ២សែនដុល្លារអាមេរិក

ចុចអាន៖ តារាចម្រៀងពីររូប កំពុងមានស្នេហាត្រីកោណជាមួយតារាសិចជប៉ុន