គ្រាន់តែ​ Mai Davika បង្ហោះរូបលើ IG ម្ដង អាចរកប្រាក់បានជិត ២សែនដុល្លារអាមេរិក

នៅលើ Wall ក្នុងបណ្ដាញ Instagram របស់តារាស្រី ម៉ៃ ដាវីកា (Mai Davika) ​រាល់ពេលបង្ហោះម្ដងៗ មិនមែនសុទ្ធតែជាការកម្សាន្ត ឬចង់បង្ហាញសកម្មភាពប្រចាំថ្ងៃទៅដល់ហ្វេនឡើយ ក្នុងនោះនាងបានបង្ហោះផ្សាយឱ្យម៉ាកយីហោនានា ទាំងដែលពេលខ្លះ អ្នក Follow អត់បានដឹងផងថានាងផ្សាយពាណិជ្ជកម្ម ខណៈរាល់ពេល Post តែម្ដងសោះ ម៉ៃ អាចរកចំណូលបានមិនតិចនោះទេ​។

បើយោងតាមប្រភពពីគេហទំព័រជាច្រើនរបស់ថៃ បានឱ្យដឹងថា នាឆ្នាំ២០២៣ នេះ ​ម៉ៃ ​មាន​ Follower ចំនួន ១៧.៨លាននាក់ នៅលើបណ្ដាញ IG ហើយបើតាមការសន្និដ្ឋាន បង្ហោះតែម្ដង នាងស៊ីថ្លៃ ៦លានបាត (ប្រហែល ១៧០,០០០ដុល្លារ)។

មូលហេតុដែល​តារាស្រីវ័យ ៣១ឆ្នាំ អាចរកចំណូលបានយ៉ាងច្រើនសន្ធឹកសន្ធាប់ ដោយសារប្រជាប្រិយភាពរបស់នាងសាយភាយពាសពេញសកលលោក ខណៈគណនីរបស់ ម៉ៃ ជាប់​ចំណាត់ថ្នាក់​ទី ៨០ក្នុង​បញ្ជី​អ្នកមានឥទ្ធិពលលើ Instagram កំពូលទាំង ១០០ ទូទាំង​ពិភពលោក៕

ប្រែសម្រួល៖ សន្យា

ចុចអាន៖ តារា​អាស៊ី​​ស្អាត​បំផុត​ទាំង ១០ លើ​ពិភពលោក​ក្នុង​ឆ្នាំ ២០២៣

ចុចអាន៖ Mai Davika សប្បាយចិត្តខ្លាំង ក្រោយអាចទម្លាយពីមូលហេតុដែលនាងមានរាងកាយស្គមស្គាំង