ធ្លាប់តែឃើញរ៉េប និងស្លៀកពាក់សិចស៊ី តាមពិត Cardi B ជាមនុស្សអៀនប្រៀនខ្លាំង

តារារ៉េប Cardi B ដែលមានឈ្មោះពិតថា Belcalis Marlenis Almánzar ត្រូវបានទស្សនិកជនស្គាល់យ៉ាងច្បាស់តាមរយៈបទចម្រៀងរ៉េបល្បីៗជាច្រើនបទ និងស្ទីលតែងខ្លួនយ៉ាងសិចស៊ីរបស់នាង។ កន្លងមក ប្រិយមិត្តធ្លាប់តែឃើញនាងបង្ហាញខ្លួននៅលើឆាកយ៉ាងជឿជាក់​ជាមួយនឹងស្ទីលរាំកាចៗ បូករួមទាំងស្ទីលរ៉េបដ៏មានប៉ិនប្រសប់ មិនធ្លាប់ស្មាននោះទេថា តារាស្រីរូបនេះជាមនុស្សអៀនប្រៀនខ្លាំងបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយាយទៅកាន់កម្មវិធីកម្សាន្តមួយ តារាស្រីវ័យ ៣០ឆ្នាំ ប្រាប់ថា ខ្លួនជាមនុស្សស្រីខ្មាស់អៀនច្រើន សូម្បីក្នុងចំណោមមិត្តភក្តិស្រីៗ ក៏មានអារម្មណ៍អៀនខ្លាំងផងដែរ។ ថ្វីត្បិតបច្ចុប្បន្ន នាងអាចឡើងសម្ដែងចំពោះមនុស្សរាប់ពាន់នាក់ ប៉ុន្តែភាពអៀនប្រៀនក្នុងខ្លួននៅតែមានដដែល។

សូមបញ្ជាក់ថា Cardi B ជាតារាចម្រៀងរ៉េបជនជាតិអាមេរិក ដែលកើត និងធំធាត់នៅទីក្រុងញូវយ៉ក។ នាងទទួលបានប្រជាប្រិយភាពជាលើកដំបូងតាមរយៈតាមរយៈបណ្ដាញ Vine និង Instagram ។ នាងបានរៀបការកាលពីឆ្នាំ២០១៧ ជាមួយតារារ៉េប Offset និងមានកូនប្រុសស្រីពីរនាក់ជាចំណងដៃ៕

ប្រែសម្រួល៖ សន្យា

ចុចអាន៖ មិននឹកស្មាន អតីតតួ លី តាវហួ អត់ហូបបាយ ១០ឆ្នាំ ដើម្បីថែរក្សារាង

ចុចអាន៖ ទម្លាយការសង្ស័យដែល Rosé និង Taylor Swift ចេញពីស្ទូឌីយោតែមួយ