ជីវិតកម្សាន្ដ

តារារ៉េប Cardi B រួចទោសពីកាវាយប្រហារ លើនារីម្នាក់ តាមយាយីកាលពី៧ឆ្នាំមុន

បានផុស

១០ ខែ មុន

នៅ

ថ្ងៃពុធ ៣ កញ្ញា ២០២៥

ដោយ

តារារ៉េប Cardi B ត្រូវបានជម្រះពីការវាយប្រហារដោយគណៈវិនិច្ឆ័យនៅទីក្រុង Los Angeles បន្ទាប់ពីនារីម្នាក់បានប្តឹងទាមទារសំណង ២៤ លានដុល្លារ ក្នុងការវាយប្រហារដោយក្រចកដៃ។ យ៉ាងណា គណៈវិនិច្ឆ័យក្នុងទីក្រុងបានច្រានចោលការអះអាងរបស់ដើមបណ្តឹងឈ្មោះ Emani Ellis ដែលធ្វើការជាសន្តិសុខក្នុងអគារមន្ទីពេទ្យមួយកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Emani Ellis ដែលជាជនជាតិស្បែកខ្មៅ បានអះអាងថា Cardi B បានស្រែកជេរប្រមាថ ស្ដោះទឹកមាត់ដាក់នាង និងកោសក្រចកដៃវែងៗលើមុខអំឡុងពេលមានជម្លោះ។ ប៉ុន្តែ តារារ៉េបវ័យ៣២ឆ្នាំបានប្រាប់តុលាការវិញថា Ellis បានចូលទៅជិតនាងពេក ហើយព្យាយាមថតនាងតាមទូរស័ព្ទ ពេលចូលនាងទៅបន្ទប់របស់វេជ្ជបណ្ឌិតដើម្បីពិនិត្យផ្ទៃពោះ។

ក្រោយមក Cardi B បានទទួលស្គាល់នៅតុលាការថា នាងនិង Ellis ពិតជាមានជម្លោះរហូតដល់ស្រែកជេរប្រមាថគ្នាពិតមែន។ ប៉ុន្តែនាងបដិសេធថា មិនដែលប៉ះអ្នកយាម ឬស្ដោះទឹកមាត់ដាក់ដើមចោទទេ។

មេធាវីរបស់នាងបានប្រាប់តុលាការថា នៅពេលនោះ (Cardi B) មានផ្ទៃពោះប្រហែល ៤ខែជាមួយកូនដំបូង ហើយបានយកចិត្តទុកដាក់យ៉ាងខ្លាំងដើម្បីរក្សាការមានផ្ទៃពោះជាឯកជន និងឆ្ងាយពីការត្រួតពិនិត្យរបស់កាសែតនិងអ្នករិះគន់។តែ Ellis បានព្យាយាមបំភិតបំភ័យលើតារារ៉េប។

ថ្លែងទៅកាន់អ្នកសារព័ត៌មាន ក្រោយការសម្រេចសាលក្រម Cardi B បាននិយាយថា «ខ្ញុំធ្វើការពេញមួយថ្ងៃ ខ្ញុំខំធ្វើការដើម្បីលុយ ដើម្បីកូនៗរបស់ខ្ញុំ ដើម្បីមនុស្សដែលខ្ញុំមើលថែ។ ដូច្នេះអ្នកមិនដែលគិតថាអ្នកនឹងប្តឹងខ្ញុំទេ ហើយខ្ញុំនឹងដោះស្រាយវាឲ្យចប់។ តារាស្រីរូបនេះថែមទាំងបញ្ចាក់ច្បាស់ៗទៀតថា ខ្ញុំមិនដែលវាយប្រហារ Ellis ទេ ខ្ញុំហ៊ានស្បត់បើបំពាន»៕