សន្តិសុខសង្គម

យុវជនម្នាក់បាត់បង់ជីវិត សង្ស័យពាក់ព័ន្ធរឿងស្នេហាត្រីកោណ

បានផុស

៣ years មុន

នៅ

ថ្ងៃសុក្រ ១៧ វិច្ឆិកា ២០២៣

ដោយ

យុវជនម្នាក់បានបាត់បង់ជីវិតភ្លាមៗ ក្រោយពេលបញ្ជូនដល់មន្ទីរពេទ្យខេត្ត បន្ទាប់ពីមានជនមិនស្គាល់មុខប្រើកាំបិតខ្វែវកាប់ពីក្រោយ បណ្តាលឲ្យរងរបួសជាទម្ងន់រួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់សមត្ថកិច្ច ករណីឃាតកម្មគិតទុកជាមុននេះ បានកើតឡើងកាលពីថ្ងៃទី ០៩ ខែវិច្ឆិកា ឆ្នាំ២០២៣ វេលាម៉ោង១៩.១៩នាទី នៅចំណុចក្រុមទី០១ ភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង ដែលបង្កឡើងដោយជនមិនស្គាល់មុខ ភេទប្រុស អាយុប្រហែល ២០ ឆ្នាំ ចំនួន០៣នាក់ ជិះម៉ូតូចំនួន ០២ គ្រឿង បានធ្វើសកម្មភាពយកកាំបិតខ្វែវកាប់ទៅលើជនរងគ្រោះឈ្មោះ ធឿម ចំរេីន ភេទប្រុស អាយុ២១ឆ្នាំ មានទីលំនៅក្រុមទី០៦ ភូមិកូនក្អែក២ ឃុំរបស់មង្គល ស្រុកមោងឬស្សី ខេត្តបាត់ដំបង ត្រូវចំក្បាលពីក្រោយចំនួន០១ កន្លែង បណ្តាលរងរបួសបែកហូរឈាម រហូតដល់ស្លាប់នៅក្នុងមន្ទីពេទ្យបង្អែកខេត្តបាត់ដំបង។

ក្រោយពេលទទួលបណ្តឹងរួចរាល់ លោកអធិការ យុត តុងហូ បានបញ្ជាទៅកម្លាំងនៃអធិការដ្ឋាននគរបាលស្រុកសង្កែ សហការជាមួយកម្លាំងការិយាល័យព្រហ្មទណ្ឌកម្រិតស្រាល និងកម្លាំងក្រុមអន្តរាគមន៍បង្ការបង្រ្កាបនៃស្នងការដ្ឋាននគរបាលខេត្តបាត់ដំបងបានចុះធ្វើការសើបអង្កេតស្រាវជ្រាវបង្ក្រាបឃាត់ខ្លួនជនសង្ស័យចំនួន ០៣ នាក់ ទី១.ឈ្មោះ យឿម ម៉ែន ភេទប្រុស អាយុ ២១ ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង (ជនដៃដល់) ២.ឈ្មោះ សឿប ស៊ីតង ភេទប្រុស អាយុ ២៣ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង (បក្សពួក) និង ៣.ឈ្មោះ វី ខេត ហៅ វ៉ា ភេទប្រុស អាយុ២០ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង (បក្សពួក) គឺឃាត់បាននៅវេលាម៉ោង១៦.៣០នាទី ថ្ងៃទី១៦ ខែវិច្ឆិកា ឆ្នាំ២០២៣ នៅចំណុចភូមិពុកឆ្មា ឃុំអន្លង់វិល ស្រុកសង្កែ ខេត្តបាតដំបង និងបានដកហូតវត្ថុតាងកាំបិតខ្វែងចំនួន០១ដេីម និងម៉ូតូ០១គ្រឿង ហុងដាឃ្លីច ពណ៌ខ្មៅ ស៊េរីឆ្នាំ២០២៣ ស្លាកលេខ បាត់ដំបង ១AS-១៦៩១ ជាមធ្យោបាយជិះធ្វើសកម្មភាព។

នៅចំពោះមុខសមត្ថកិច្ច ជនសង្ស័យទាំងបីនាក់ បានឆ្លើយសារភាពថា ពួកខ្លួនបានធ្វើសកម្មភាពតាមរកជនរងគ្រោះឈ្មោះ ធឿម ចំរើន ដោយបក្ខពួករបស់ខ្លួនឈ្មោះ យឿម ម៉ែន ជាអ្នកធ្វើសកម្មភាពយកកាំបិតខ្វែងកាប់ទៅលើជនរងគ្រោះ បណ្តាលអោយរងរបួស ពិតប្រាកដមែន ដោយមូលហេតុបណ្តាលអោយមានករណីហិង្សានេះ ដោយសារខឹងនិងជនរងគ្រោះ ដែលបានទាក់ទងជាមួយប្រពន្ធរបស់ខ្លួន។

បច្ចុប្បន្នករណីនេះ កម្លាំងជំនាញកំពុងកសាងសុំណុំរឿងបញ្ជូនជនសង្ស័យតាមនីតិវិធីច្បាប់៕

អត្ថបទ : សោ និយមរ័ត្ន

Related Topics:សន្តិសុខសង្គម

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា