ជីវិតកម្សាន្ដ

ពេជ្រ វត្តីសារ៉ាវឌ្ឍី ប្តេជ្ញាចូលរួមថែរក្សាស្នាដៃមរតកដ៏អស្ចារ្យរបស់បុព្វបុរសខ្មែរបានបន្សល់ទុក

បានផុស

២ years មុន

នៅ

ថ្ងៃព្រហស្បតិ៍ ២១ ធ្នូ ២០២៣

ដោយ

សិល្បការិនីដ៏ឆ្នើមមួយដួងរបស់ខ្មែរកញ្ញា ពេជ្រ វត្តីសារ៉ាវឌ្ឍី នាពេលកន្លងមកត្រូវបានទស្សនិកជនបានដឹងថា នាងតែងមានភាពលេចធ្លោលើសកម្មភាពចូលរួមជួយសង្គម និងការផ្សព្វផ្សាយវប្បធម៌ សិល្បៈខ្មែរ។ តួយ៉ាងថ្មីៗនេះ វត្តីសារ៉ាវឌ្ឍី ក៏បានចេញមកប្តេជ្ញាចូលរួមផ្សព្វផ្សាយវប្បធម៌ អរិយធម៌ កេរ្តិ៍មរតក ស្នាដៃដ៏អស្ចារ្យរបស់បុព្វបុរសខ្មែរបានបន្សល់ទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់បវរកញ្ញា ពេជ្រ វត្តីសារ៉ាវឌ្ឍី ម្ចាស់មកុដ Miss Grand Cambodia ២០២២ កាលពីថ្មីៗនេះបានរំលេចខ្លួនយ៉ាងអស្ចារ្យជាការសម្តែងក្នុងឈុតបុរាណនៅក្នុងមហាព្រឹត្តិការណ៍ទស្សនីយភាពសិល្ប:វប្បធម៌ “រាត្រីចងចាំលើកទី៤” ឆ្នាំ២០២៣ ដោយមានការបង្ហាញជូននូវសម្បត្តិបេតិកភណ្ឌវប្បធម៌រូបី និងអរូបី ព្រមទាំងទស្សនីយភាពសិល្ប:ចម្រុះជាច្រើនទម្រង់។

បន្ទាប់ការបង្ហាញវត្តមានសម្តែងនោះកញ្ញា ពេជ្រ វត្តីសារ៉ាវឌ្ឍី បានប្រកាសឆន្ទ:របស់ខ្លួនថា “ វប្បធម៌រលត់ជាតិរលាយ “ នេះជាវេនរបស់ពួកខ្ញុំជាកូនចៅជំនាន់ក្រោយចូលរួមថែរក្សានូវស្នាដៃដ៏អស្ចារ្យរបស់បុព្វបុរសខ្មែរដែលបន្សល់ទុកឲ្យយើងទាំងអស់គ្នានាង ខ្ញុំគ្រងឈុត <<ព្រះនាង ជ័យរាជទេវី >> ការសម្ដែងក្នុងកម្មវិធីរាត្រីចងចាំលើកទី៤ កម្មវិធីបង្ហាញវប្បធម៌ខ្មែរលើទឹកដីសាកសិទ្ធនៃខេត្តសៀមរាប។

ជាមួយគ្នានេះ ពេជ្រ វត្តីសារ៉ាវឌ្ឍី បានលើកឡើងបន្ថែមដោយរម្លឹកក្នុងថ្ងៃជាទីចងចាំនៃរាត្រីចងចាំដែរថា នាងខ្ញុំសូមអរគុណដល់ថ្នាក់ដឹកនាំគ្រប់ជាន់ថ្នាក់ អ្នកគ្រូ លោកគ្រូ បងបងដែលជាសិល្បៈក្នុងប្រព័ន្ធ ដែលបានផ្តល់ឱកាសដ៏ធំមួយនេះដល់រូបនាងខ្ញុំ និងបានជួយបង្ហាត់បង្រៀននាងខ្ញុំយ៉ាងយកចិត្តទុកដាក់ នាងខ្ញុំសូមគោរពចំពោះទឹកចិត្តអ្នកទាំងអស់គ្នាដែលជាអ្នកថែរក្សានូវវប្បធម៌ ខ្មែរយើងយ៉ាងដិតដល់ក្នុងពេលកន្លងមក។

ជាការពិតណាស់ម្ចាស់មកុដ Miss Grand Cambodia២០២២ កញ្ញា ពេជ្រ វត្តីសារ៉ាវឌ្ឍី បច្ចុប្បន្នគេសង្កេតឃើញថា ទាំងប្រជាប្រិយភាព និងសន្ទុះនៃការគាំទ្រហាក់ហក់ឡើងមិនចាញ់តារាឯទៀតនោះឡើយ។ កន្លងមកកញ្ញា ពេជ្រ វត្តីសារ៉ាវឌ្ឍី គឺជាបវរកញ្ញតំណាងកម្ពុជាក្នុងការចេញទៅប្រកួចលើឆាកអន្តរជាតិនាអំឡុងខែតុលា ចុងឆ្នាំ២០២២។

យ៉ាងណាមិញទោះបីនាងមិនអាចឆ្លងចូលទៅក្នុង Top5 ក្នុងការប្រកួតវគ្គផ្តាច់ព្រ័ត្រ MGI 2022 នៅឯប្រទេសឥណ្ឌូនេស៊ីពិតមែនតែបរវកញ្ញារូបនេះក៏រក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាគ្រប់រូបផងដែរ៕

អត្ថបទ៖ ចាន់រ៉ា

Related Topics:សិល្បៈខ្មែរ ពេជ្រ វត្តីសារ៉ាវឌ្ឍី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា