កីឡា
គ្រូអ៊ីតាលីលោក Spalletti រិះគន់ការបង្កើតពាន Super League
គ្រូបង្វឹកក្រុមបាល់ទាត់ជម្រើសជាតិអុីតាលីលោក Luciano Spalletti បានរិះគន់ និងបង្ហាញការមិនពេញចិត្តចំពោះការបង្កើតពានរង្វាន់ថ្មីនៅអឺរ៉ុប Super League។ ក្រោយការប្រកាសជាផ្លូវការនៃពានរង្វាន់នេះ ក៏មានក្លិបធំៗជាច្រើនបានបដិសេធចូលរួម។
លោក Luciano Spalletti បានលើកឡើងថា ៖«យើងពិតជាបាត់បង់ទំនៀមទម្លាប់ចាស់ និងការចងចាំល្អរបស់យើង។ វាហាក់ដូចជាមានតែអ្នកមានអំណាចដែលអាចសរសេរច្បាប់ថ្មីបាន។ ពួកគេចង់បង្កើតគំនិតពាក់ព័ន្ធនឹងបាល់ទាត់តាមរបៀបពួកគេ។ ខ្ញុំសុំទោស ប៉ុន្តែពួកគេមិនអាចយល់បានថា ដរាបណាមានបាល់មួយ និងបង្គោលទី២នៅលើទីលាន មនុស្សគឺតែងតែជ្រើសរើសបាល់ទាត់ដែលពួកគេចូលចិត្ត។ មនុស្សនៅតែចង់មានឱកាសដើម្បីក្ដីស្រមៃ។ យើងមិនចង់បាត់បង់ក្តីសង្ឃឹមក្នុងការឃើញក្រុមតូចវាយបកក្រុមធំទេ។ យើងមិនចង់បាត់បង់អារម្មណ៍ភ្ញាក់ផ្អើលមួយនេះទេ»។
សហព័ន្ធកីឡាបាល់ទាត់ប្រទេសអុីតាលីបានហាមក្លិបអុីតាលីទាំងអស់ពីការចូលរួមក្នុងគម្រោង Super League។ អ្នកបំពាននឹងត្រូវបានដកចេញពីលីគកំពូល Serie A។ ក្នុងនោះក្លិប AS Roma និង Inter Milan បានចេញសេចក្តីថ្លែងការណ៍ដោយបានបង្ហាញពីការប្រឆាំងនឹងគម្រោង Super League ប៉ុន្តែក្លិប AC Milan និង Juventus បានជ្រើសរើសរក្សាភាពស្ងៀមស្ងាត់។ ចំណែកប្រធានក្លិប Napoli និង Lazio បានគាំទ្រការសម្រេចចិត្តរបស់តុលាការទ្វីបអឺរ៉ុប និងពេញចិត្តចំពោះការបង្កើតលីគថ្មីនេះ។
លីគ European Super League (ESL) ជាពានរង្វាន់ថ្មីមួយដែលបានបង្កើតឡើង សម្រាប់ក្រុមខ្លាំងៗក្លិបនៅអឺរ៉ុបធ្វើការប្រកួតប្រជែង។ លីគលក្ខណៈទ្វីបនេះត្រូវបានបង្កើតឡើង ដោយសហគ្រាសពាណិជ្ជកម្ម ដែលមានឈ្មោះថា European Super League Company។ ក្រុមហ៊ុននេះមានគោលបំណងប្រជែងជាមួយ UEFA។ អ្នកដឹកនាំនៅពីក្រោយ European Super League ធំបំផុតគឺលោក Florentino Pérez ប្រធានក្លិប Real Madrid៕
ប្រែសម្រួល៖ ផា រតនា
ប្រភព៖ Dailysports
-
ព័ត៌មានអន្ដរជាតិ៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានជាតិ៧ ថ្ងៃ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានអន្ដរជាតិ៥ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព